کے پی کے حکومت آئی ایم ایف معاہدے کو ناکام بنانے کی کوشش کررہی ہے، مفتاح اسماعیل

اسلام آباد: وزیرخزانہ مفتاح اسماعیل نے تحریک انصاف پر آئی ایم ایف سے ڈیل کو ناکام بنانے کی کوشش کرنے کا الزام لگادیا۔

تفصیلات کے مطابق وفاقی وزیر اطلاعات و نشریات مریم اورنگزیب کے ہمراہ اسلا م آباد میں نیوز کانفرنس کرتے ہوئے نہوں نے کہا  پی ٹی آئی کی اس سازش کو بھی ناکام بنائیں گے اورتوقع ہے کہ پیر کو آئی ایم ایف بورڈ سے ساتویں و آٹھویں اقتصادی جائزے کی منظوری کروالی جائے گی۔

یہ بھی پڑھیں:

وزیراعلیٰ خیبرپختونخوا کا صوبے کی تمام سرکاری عمارتیں سیلاب متاثرین کیلئے کھولنے کا اعلان

انہوں نے مزید کہا کہ آئی ایم ایف سے پاکستان کو اگلی قسط مل جائے گی،  پی ٹی آئی نے پنجاب کو بھی لیٹر لکھنے کا کہا تھا مگر پنجاب نے لیٹر لکھنے سے انکار کردیا۔

وزیر خزانہ نے کہا کہ سیلاب متاثرین کو فی خاندان 25ہزار دیں گے، اگلے ہفتے 11.5لاکھ خاندانوں کو یہ پیسے مل جائیں گے، بلوچستان میں پیسے مل رہے ہیں جبکہ سندھ میں بھی ملنا شروع ہوجائیں گے۔

یہ بھی پڑھیں:

حالات سنگین، ملک فوج کے حوالے

مفتاح اسماعیل کا مزید کہنا تھا کہ پی ٹی آئی کے رہنمافواد چوہدری نے بھی کہا تھا کہ کے پی وفاق سے تعاون نہ کیا جائے پنجاب کے فنانس ڈویڑن کو بھی کہا گیا کہ تعاون نہ کریں، لیکن پنجاب کے وزیر اور سیکرٹری نے انکار کردیا ہے پاکستان پانی میں ڈوب رہا ہے اور یہ سیاست کررہے ہیں۔