گوگل نیوز پر ہمیں فالو کریںایران نے یوکرین کے مسافر طیارے کو غلطی سے میزائل کا نشانہ بنانے کا اعتراف کرتے ہوئے واقعے کو انسانی غلطی قرار دیا ہے، حادثے میں 176 افراد جاں بحق ہوگئے تھے۔
ایرانی حکام نے یوکرین کے مسافر طیارے کو غلطی سے میزائل کا نشانہ بنانے کا اعتراف کرتے ہوئے کہا ہےکہ طیارے کو ملٹری کی جانب سے مارگرانا انسانی غلطی تھی۔
ایران حکام کا کہنا ہےکہ ایران کی فوج نے غلطی سے یوکرین کے مسافر طیارےکو نشانہ بنایا، ایرانی وزیرخارجہ جواد ظریف کا کہنا تھا کہ مسلح افواج کی تحقیقات کے مطابق واقعہ انسانی غلطی کے باعث پیش آیا۔
سماجی رابطے کی ویب سائٹ ٹوئٹر پر اپنے پیغام میں ایرانی وزیرخارجہ جواد ظریف نے کہا کہ یہ ایک افسوسناک دن ہے، مسلح افواج کی اندرونی تحقیقات کے ابتدائی نتائج کے مطابق امریکی کشیدگی کی وجہ سے بحران کے وقت انسانی غلطی اس حادثے کا باعث بنی۔
A sad day. Preliminary conclusions of internal investigation by Armed Forces:
Human error at time of crisis caused by US adventurism led to disaster
Our profound regrets, apologies and condolences to our people, to the families of all victims, and to other affected nations.
💔— Javad Zarif (@JZarif) January 11, 2020
خیال رہےگزشتہ روز طیارے پر مبینہ میزائل حملے کی ایک ویڈیو بھی سامنے آئی تھی جس میں دیکھا جاسکتا ہےکہ مسافر طیارے کو فضا میں نشانہ بنا یاگیاجس کے بعد زور دار دھماکا ہوا اور فضا میں شعلے بلند ہوئے۔
واضح رہے کہ ایران کے دارالحکومت تہران میں یوکرائن کا مسافر بردار طیارہ تباہ ہوگیا تھاجس کے نتیجے میں طیارے میں سوار تمام ایک سو 76 افراد ہلاک ہوگئےتھے جن میں82 ایرانی، 63 کینیڈین، سویڈش، 4 افغان، 3 جرمن اور 3 برطانوی شہری جبکہ عملے کے 9 ارکان اور 2 مسافروں سمیت 11 یوکرینی شہری شامل تھے۔
ایران نے جہاز کا بلیک باکس دینے سے انکار کردیا تھا جبکہ امریکی حکام کا دعویٰ تھا کہ یوکرین کے مسافر طیارے کو ایران نے غلطی سے نشانہ بنایا جبکہ تہران نے طیارے کو میزائل لگنے کی تردید کی تھی۔
گزشتہ روزکینیڈا کے وزیراعظم جسٹن ٹروڈو کا کہنا تھاکہ کینیڈا کے پاس ایسی انٹیلی جنس اطلاعات ہیں جن کے مطابق تہران کے باہر تباہ ہونے والے یوکرین کے مسافر طیارے کوغلطی سے میزائل سے نشانہ بنایا گیا۔
مزید پڑھیں: انٹیلی جنس اطلاعات ہیں یوکرین کے مسافر طیارے کو ایران نے غلطی سے نشانہ بنایا: جسٹن ٹروڈو
