عمران خان کے حمایتی ہاتھا پائی کریں تو دفاع کا حق استعمال کریں، رانا ثناء اللہ کی ہدایت

اسلام آباد: وفاقی وزیر داخلہ رانا ثناء اللہ نے پارٹی کارکنان کو ہدایت کی ہے کہ عمران خان کے حمایتی ہاتھا پائی کریں تو دفاع کا حق استعمال کریں۔

تفصیلات کے مطابق مسلم لیگ ن کے رہنما و وفاقی وزیر داخلہ نے کارکنان کے نام سماجی رابطے کی ویب سائٹ ٹوئٹر پر جاری کردہ پیغام میں کہا ہے کہ بدتمیزی کرنیوالا ایک شخص ہو یا زائد، سب کی قابل شناخت ویڈیو بنائیں۔

بھرپور کاروائی، اندراج مقدمہ، گرفتاری حتیٰ کہ شناختی کارڈ اور پاسپورٹ کی Blockage عمل میں لائی جائیگی تاکہ شہریوں کے آئین پاکستان کے آرٹیکل 15 میں دئیے گئے ”Freedom of Movement“ کے حق کاتحفظ یقینی بنایا جاسکے۔
(4/5)

— Rana SanaUllah Khan (@RanaSanaullahPK) July 12, 2022

انہوں نے کہا کہ ویڈیو واٹس ایپ یا سوشل میڈیا کے ذریعے ایف آئی اے کو ٹیگ کی جائے، بد تمیزی کرنے والوں کے خلاف کارروائی ہوگی۔

یہ بھی پڑھیں:

آرمی چیف کراچی پہنچ گئے، طوفانی بارش سے متاثرہ علاقوں کا فضائی دورہ کیا

واضح رہے کہ وفاقی وزیرداخلہ رانا ثناء اللہ کی جانب سے کیے جانے والے اعلان کے تحت بدتمیزی کرنے والوں کیخلاف مقدمہ درج ہوگا، گرفتاری بھی ہوگی، شناختی کارڈ اور پاسپورٹ بھی بلاک ہوسکتے ہیں، آرٹیکل 15 کے تحت نقل و حرکت کے حق کا تحفظ یقینی بنائیں گے۔

رانا ثناء اللہ نے واضح طور پر پارٹی کارکنان کو ہدایت کی ہے کہ عمران خان کے حمایتی ہاتھا پائی کریں تو دفاع کا حق استعمال کریں۔