معروف اداکارہ حریم فاروق بھی ڈرامہ میرے پاس تم ہو کی مداح نکلیں

اسلام آباد:اداکارہ حریم فاروق ڈرامہ میرے پاس تم ہو کی مداح نکلیں۔ اداکارہ نے سوشل میڈیا پر جاری ایک پوسٹ میں ڈرامہ سیریل میرے پاس تم ہو کی تعریف کرتے ہوئے کہا کہ اس ڈرامے میں پر اداکار نے اپنے کردار کو اچھے طریقے سے نبھایا ہے ۔

معروف اداکارہ حریم فاروق کا کہنا ہے کہ ہر ہفتے اس ڈرامے میں تمام اداکاروں کی اداکاری دیکھتے ہوئے وہ حیران ہو جاتی ہیں۔

ڈرامہ میرے پاس تم ہو کی کاسٹ میں ہمایوں سعید، عائزہ خان ، سویراندیم ، عدنان صدیقی اور حرامانی شامل ہیں۔

مزید پڑھیں:اداکارہ عائزہ خان نے ذاتی زندگی کے اہم راز مداحوں پر ظاہر کردیئے

ڈرامہ شائقین میں بہت مقبول ہورہا ہے اور ریٹنگ کے لحاظ سے اب تک سب سے زیادہ دیکھے جانے والے ڈراموں میں شامل ہے۔

دوسری جانب اداکارہ عائزہ خان کے انسٹا گرام فالورز کی تعداد4.6 ملین ہوگئی۔ اداکارہ ڈرامہ سیریل میرے پاس تم ہو میں مہوش کا کردار ادا کررہی ہیں جس پر انکو کافی پذیرائی حاصل ہوئی ہے۔

عائزہ خان نئے ڈرامہ سیریل تھوڑا سا حق میں اداکار عمران عباس کے ساتھ مرکزی کردار ادا کر رہی ہیں جسے شائقین میں بہت سراہا جارہا ہے