گوگل نیوز پر ہمیں فالو کریںکراچی: شہر قائد کی سیاست میں ایک بار پھر ہلچل مچ گئی، ایم کیو ایم پاکستان کے تمام دھڑوں، نے اتحاد کا فیصلہ کرلیا، مصطفیٰ کمال نے پی ایس پی کو ایم کیو ایم پاکستان میں ضم کرنیکا اعلان کردیا ہے۔
ایم کیو ایم پاکستان کے کنوینر خالد مقبول صدیقی نے مصطفیٰ کمال اور فاروق ستار کے ہمراہ میڈیا سے بات کرتے ہوئے کہا کہ مشترکا کاوشیں رنگ لائی ہیں، مصطفیٰ کمال، فاروق ستار اور ان کے ساتھیوں کا خیر مقدم کرتا ہوں۔
میڈیا سے بات کرتے ہوئے کہا کہ خالد مقبول صدیقی نے کہا کہ قوم میں مایوسی پیدا کرنے والوں کو آج مایوسی ہو رہی ہے، پاکستان بنایا تھا، اب پاکستان بچائیں گے۔
چیئرمین پاک سرزمین پارٹی مصطفیٰ کمال نے پریس کانفرنس سے خطاب کرتے ہوئے پی ایس پی کو ایم کیو ایم پاکستان میں ضم کرنے کا اعلان کیا، انہوں نے کہا کہ ہم ہم خالد مقبول صدیقی بھائی کی رہنمائی میں کام کریں گے۔
اس موقع پر مصطفی کمال نے پریس کانفرنس سے خطاب کرتے ہوئے کہا کہ الطاف حسین سے کوئی ذاتی لڑائی نہیں تھی، جو کچھ بٹتا تھا، سب کو ملتا تھا،آج تاریخی دن ہے، آج نہ سمجھ میں آنے والے فیصلے ہونے جا رہے ہیں۔
انہوں نے کہا کہ روزانہ پاکستان کی ریاست اور پاکستان کی فوج کو گالی بکی جارہی تھی، آج مصطفیٰ کمال اور اس کے ساتھی ایک اور ہجرت کر رہے ہیں، یہ ہجرت پی ایس پی سے ایم کیو ایم کی طرف ہے۔
مصطفیٰ کمال نے کہا کہ کراچی کو را کے تسلط سے اس لیے آزاد نہیں کرایا کہ آصف زرداری کا اس پر تسلط ہو، آصف زرداری کا ارادہ ہے کہ بلاول کو وزیراعظم پاکستان بنائیں، بلاول کو وزیراعظم بنانا ہے تو کراچی کو ساتھ لے کر چلنا پڑیگا۔
مزید پڑھیں:گورنر پنجاب کا وزیر اعلیٰ کو ڈی نوٹیفائی کرنے کا حکم واپس، عدالت کو آگاہ کردیا گیا
مصطفیٰ کمال نے کہا کہ کراچی پاکستان کو پالتا ہے، آج بھی پاکستان کو چلاسکتا ہے، پال سکتا ہے، پاکستان چلانے والوں سے گزارش ہے کہ اب کراچی کے لوگوں کے دکھوں کا مداوا کرنیکا وقت ہے۔
