پاکستانی نژاد برطانوی باکسر عامر خان لندن میں لٹ گئے

لندن: پاکستانی نژاد برطانوی باکسر عامر خان کولندن میں ڈاکوؤں نے لوٹ لیا، ملزمان 2 کروڑ کی گھڑی لے گئے۔

اپنی گھڑیوں کی سوشل میڈیا پر نمائش کرنیوالے عامر خان اپنی اہلیہ فریال کے ساتھ آکسفورڈ اسٹریٹ پر شاپنگ کرکےلیئٹن لوٹے تھے۔

عامر خان ایسٹ لندن کے علاقے لیئٹن میں اپنی اہلیہ فریال کےساتھ سڑک کراس کررہے تھے کہ اچانک 2 ڈاکو سامنے آگئے اور ان کے سر پر بندوق تان لی۔

خوف زدہ عامر خان نے فوری طور پر گھڑی ڈاکوؤں کے حوالے کرکے جان بچائی۔،عامر خان کا کہنا ہے کہ اس کے بعد ڈاکوگاڑی میں باآسانی فرار ہوگئے۔

مزید پڑھیں:باکسر عامر خان نے کیل بروک سے بڑی شکست کے بعد ریٹائرمنٹ پر غورشروع کردیا

گھڑی کی قیمت پاکستانی روپے میں تقریباً پونے 2 کروڑ روپے تھی، یہ گھڑی 19 قیراط روز گولڈ سے بنائی گئی تھی جس پر 719 ہیرے جڑے ہوئے تھے۔

یاد رہے کہ فروری میں عامر خان نے کیل بروک کے ہاتھوں بڑی شکست کے بعد کھیل سے ریٹائرمنٹ پر غور کرنے کا اشارہ دیا تھا، ان کا کہنا تھا کہ اب میں اس کھیل کے لحاظ سے بوڑھا ہو رہا ہوں، اب میں اپنے بچوں اور اپنے خاندان کے ساتھ زیادہ وقت گزارنا چاہتا ہوں۔