گوگل نیوز پر ہمیں فالو کریںاسلام آباد: وزیر اعظم عمران خان نے کہا ہے مقبوضہ جموں و کشمیر میں ریاستی دہشت گردی کے بعد بھارت میں 20 کروڑ مسلمان مودی کے نشانے پر ہیں۔
سماجی رابطے کی ویب سائٹ ٹوئٹر پر اپنے پیغام میں وزیر اعظم عمران خان نے کہا کہ میں نے گزشتہ برس اقوام متحدہ کی جنرل اسمبلی سے اپنے خطاب میں پیش گوئی کی تھی کہ ایک مرتبہ جن بوتل سے نکل آیا تو خونریزی میں شدت آئے گی۔ جس کا آغاز کشمیر سے ہوا۔
پیغام میں وزیر اعظم عمران خان نے کہا کہ کشمیر خونریزی کے جن کا آغاز تھا جبکہ آج ہندوستان میں مقیم 20 کروڑ مسلمان نریندر مودی کی ہندوتوا حکومت کے نشانے پر ہیں۔ دنیا کو اِس سلسلے میں آگے آنا ہوگا۔ عالمی برادری کیلئے کچھ کرنے کا بلاشبہ یہی وقت ہے۔
پاکستان میں اقلیتوں کی صورتحال پر روشنی ڈالتے ہوئے وزیر اعظم نے خبردار کیا کہ پاکستان میں اگر کسی نے بھی غیر مسلم شہریوں پر ہاتھ اٹھانے کی کوشش کی یا کسی عبادت گاہ کی جانب بری نظر سے دیکھا تو حکومت نہایت سختی سے پیش آئے گی۔ ہماری اقلیتیں اس ملک کی برابر کی شہری ہیں۔
آگاہ رہو! پاکستان میں اگر کسی نے بھی غیر مسلم شہریوں پر ہاتھ اٹھانے کی کوشش کی یا کسی عبادت گاہ کی جانب بری نظر سے دیکھا تو نہایت سختی سے پیش آئیں گے۔ ہماری اقلیتیں اس ملک کی برابر کی شہری ہیں۔
— Imran Khan (@ImranKhanPTI) February 26, 2020
وزیر اعظم عمران خان نے کہا کہ آج ہم جوہری صلاحیت کی حامل 1 ارب سے زائد انسانوں پر مشتمل ریاست بھارت کو نازی ازم کی وارث آر ایس ایس کے ہاتھوں میں گرتا دیکھ رہے ہیں۔ نفرت کی بنیاد پر نسل پرستانہ نظریات کا حامل گروہ جب بھی غالب آتا ہے، قتل و غارت گری اور خونریزی کے دروازے کھل جاتے ہیں۔
آج ہم جوہری صلاحیت کی حامل 1 ارب سے زائد انسانوں پر مشتمل ریاست بھارت کو نازی ازم کی وارث آر ایس ایس کے ہاتھوں میں گرتا دیکھ رہے ہیں۔ نفرت کی بنیاد پر نسل پرستانہ نظریات کا حامل گروہ جب بھی غالب آتا ہے، قتل و غارت گری اور خونریزی کے دروازے کھل جاتے ہیں۔
— Imran Khan (@ImranKhanPTI) February 26, 2020
یاد رہے کہ اس سے قبل پاکستان نے کہا کہ اگر بھارت میں ہندوتوا کی پرتشدد کارروائیاں بند نہ ہوئیں تو بھارت کے ٹکڑے ہوجائیں گے جو مودی کے لیے انتہائی شرم کا مقام ہے۔
ٹوئٹر پر اپنے پیغام میں وفاقی وزیر برائے پارلیمانی امور علی محمد خان نے پر تشدد کارروائیوں کی مذمت کرتے ہوئے کہا کہ نئی دہلی میں پرتشدد واقعات کا رونما ہونا بھارت کے لیے شرمندگی کا باعث ہے۔
مزید پڑھیں: پرتشدد کارروائیوں سے بھارت کے ٹکڑے ہوجائیں گے۔پاکستان
