گوگل نیوز پر ہمیں فالو کریںڈیرہ غازی خان: رواں ماہ کی 3 تاریخ کو قومی اسمبلی کے ساتھ ساتھ حکومت اور وفاقی کابینہ بھی تحلیل ہوگئی، سابق وزیرِ مملکت برائے ماحولیاتی تبدیلی زرتاج گل وزیر انتخابات کی تیاریوں میں مصروف ہو گئی ہیں۔
فوٹو شیئرنگ پلیٹ فارم انسٹاگرام پر اپنے پیغام میں سابق وزیرِ مملکت اور سابق رکنِ قومی اسمبلی زرتاج گل وزیر نے بتایا کہ انہوں نے اپنے حلقے این اے 191 کی مختلف یونین کونسلز سے آئے ہوئے معززین اور کارکنان سے ملاقات کی ہے۔
پی ٹی آئی 5سالہ کارکردگی کی بنیاد پر دوبارہ اقتدار میں آئیگی۔زرتاج گل وزیر
View this post on Instagram
مختلف یونین کونسلز سے آئے ہوئے کارکنان اور معززین سے بات چیت کرتے ہوئے زرتاج گل وزیر نے الیکشن کی تیاری کے حوالے سے تبادلۂ خیال کیا۔ اس موقعے پر پی ٹی آئی کارکنان نے زرتاج گل وزیر کو خراجِ تحسین پیش کیا۔
یاد رہے کہ اس سے قبل وزیرِ مملکت برائے موسمیاتی تبدیلی زرتاج گل وزیر نے کہا کہ حکومت بلا روک ٹوک اور حیل و حجت کے اپنی آئینی مدت پوری کرے گی اور ہم 5 سالہ کارکردگی کی بنیاد پر دوبارہ بھی اقتدار میں آئیں گے۔
آج سے کم و بیش 3ماہ قبل نجی ٹی وی چینل سے گفتگو کے دوران وزیرِ مملکت برائے ماحولیاتی تبدیلی زرتاج گل وزیر نے کہا کہ وزیر اعظم واحد سیاسی رہنما ہیں جو تمام ملکی مسائل کا حل خوش اسلوبی سے نکال سکتے ہیں۔
