آصف زرداری نے ٹھٹھہ واٹر سپلائی ریفرنس میں فرد جرم عائد کرنے کی کارروائی کو چیلنج کردیا

کراچی :پاکستان پیپلز پارٹی کے شریک چیئرمین اور سابق صدر آصف علی زرداری نے ٹھٹھہ واٹر سپلائی ریفرنس میں فرد جرم عائد کرنے کی کارروائی روکنے کیلئے عدالت میں درخواست جمع کرادی ہے۔

احتساب عدالت نے آصف زرداری کی درخواست پر قومی احتساب بیورو کو نوٹس جاری کرتے ہوئے کارروائی روک دی ہے۔

یہاں یہ واضح رہے کہ عدالت نے 4 اگست کو آصف علی زرداری پرٹھٹھہ واٹر سپلائی ریفرنس میں فرد جرم عائد کرنے کا فیصلہ کیا تھاجبکہ دیگرملزمان کو بھی مزید کارروائی کے لئے طلب کیا گیا تھا۔

مزید پڑھیں:قومی سینیٹ کی کمیٹی عوام اور بکی ہوئی حکومت کے درمیان کھڑی ہے۔شیری رحمان

قبل ازیں نیب عدالت نے سابق صدر اور آصف علی زرداری اور ان کی بہن فریال تالپور پر میگا منی لانڈرنگ کیس میں فرد جرم عائد کرنے کی کارروائی 7 اگست تک ملتوی کردی تھی۔دسمبر 2019 میں سابق صدر آصف علی زرداری کو طبی بنیادوں پر رہا کیا گیا تھا ۔