گوگل نیوز پر ہمیں فالو کریںبھارتی کرکٹ ٹیم کے سابق کپتان ویراٹ کوہلی کو شادی کی پیشکش کرنے والی انگلینڈ کی خاتون کرکٹر ڈینیل وائیٹ نے حال ہی میں اپنی گرل فرینڈ سے شادی کرلی ہے جس سے ان کا ہم جنس پرست ہونا ثابت ہوگیا۔
خاتون کرکٹر نے 22اگست کو لندن کے چیلسی اولڈ ٹاؤن ہال میں ایک خوبصورت تقریب کے دوران اپنی گرل فرینڈ جارجی ہوج سے شادی کی جبکہ گزشتہ برس ہی جنوبی افریقہ میں ان دونوں نے منگنی بھی کی تھی۔ دونوں نے شادی کی ایک چھوٹی سی تقریب میں جشن بھی منایا۔
ڈینیل وائیٹ نے جس جارجی ہوج سے شادی کی ہے وہ اسپورٹس ایجنٹ ہیں اور دونوں نے دلہن کا ہم رنگ سفید لباس پہنا اور خوشی کے ساتھ ایک دوسرے سے شادی کے روایتی وعدے بھی کیے۔ اس خاص دن کی کچھ خوبصورت تصاویر بھی سوشل میڈیا پر ڈال دی گئیں۔
22.08.24 🤍 Mrs & Mrs Wyatt-Hodge pic.twitter.com/fwE71Pqcvy
— Danielle Wyatt (@Danni_Wyatt) August 30, 2024
تصاویر دیکھتے ہی ویراٹ کوہلی کے مداح دنگ رہ گئے۔ کیونکہ یہی خاتون کرکٹر ویراٹ کوہلی کو بھی شادی کی پیشکش کرچکی تھیں۔ آج سے 10 سال قبل 2014 میں اپنے سوشل میڈیا پیغام میں انگلینڈ کی کرکٹر ڈینیل وائیٹ نے کہا کہ ویراٹ کوہلی، مجھ سے شادی کرو۔
Kholi marry me!!!
— Danielle Wyatt (@Danni_Wyatt) April 4, 2014
ماضی میں یہی خاتون کھلاڑی سابق بھارتی کپتان سچن ٹنڈولکر کے بیٹے ارجن ٹنڈولکر کی قریبی دوست بھی رہ چکی ہیں اور ان کی دوستی 2010 کی دہائی کے آخر میں شروع ہوئی تھی جو 2022 میں اس وقت عروج کو پہنچی جب دونوں کی ایک تصویر وائرل ہوئی۔
Good to see my little mate for a Nandos yesterday 🤗 pic.twitter.com/K9V4bC2OGS
— Danielle Wyatt (@Danni_Wyatt) June 28, 2022
تصویر وائرل ہوتے ہی دونوں کے مابین رومانتی تعلقات کی افواہیں پھیل گئیں اور انٹرنیٹ پر سچن ٹنڈولکر کے مداحوں میں بھی ہلچل مچ گئی۔ کچھ ہی وقت کے بعد ڈینیل وائیٹ نے اپنی طویل المدتی دوست جارجی ہوج سے منگنی کا اعلان کردیا تھا جس سے تمام تر افواہوں کا خاتمہ ہوگیا۔
