گوگل نیوز پر ہمیں فالو کریںلاہور: ایک شخص نے اپنے والد کی قبر پر وقت پر ماربل نہ لگانے والی کمپنی کے خلاف عدالت سے رجوع کرلیا۔
ذرائع کے مطابق لاہور کے ایک شہری نے والد کی قبر پر ڈیڑھ لاکھ روپیکا ماربل طے شدہ وقت پر نہ لگانے پر صارف عدالت (کنزیومر کورٹ) سے رابطہ کرلیا۔
مقامی رہائشی اسرار احمد کے دعوے پرلاہور کی صارف عدالت نے سماعت کی، درخواست گزارنے اپنا موقف اختیار کیا کہ اچھرہ کی ایک ماربل کمپنی کو والد کی قبر پر ماربل لگانے کا ٹھیکا دیا اور ایڈوانس رقم بھی ادا کردی۔
درخواست گزار نے کہا کہ پیسے دینے کے باوجود ماربل کمپنی نے طے شد وقت میں قبر پر ماربل نہیں لگایا جس سے اسے شدید ذہنی اذیت کا سامنا کرنا پڑا، استدعا ہے کہ عدالت کمپنی کیخلاف کارروائی کرے۔
مزید پڑھیں: ٹھٹھہ میں خاتون کی لاش قبر سے نکال کر زیادتی،ملزمان لاش کھیتوں میں پھینک گئے
