گوگل نیوز پر ہمیں فالو کریںگلوکار بلال سعید نے دوران کنسرٹ منچلوں پر مائیک سے حملہ کیا، جس کی ویڈیو سوشل میڈیا پر وائرل ہوگئی۔
ایکس (سابقہ ٹوئٹر) پر جاری پوسٹ میں گلوکار بلال سعید کا کہنا تھا کہ پرفارم کرتے ہوئے میں نے ہمیشہ مکمل اور زندہ دل محسوس کیا ہے کیونکہ اس دوران میں اپنی بیماری، تناؤ، پریشانیوں کو سائیڈ پر رکھ دیتا ہوں۔ اسٹیج ہمیشہ میرے لیے ایک کُل کائنات کی حیثیت رکھتا ہے۔
The stage has always been my whole world l; I have always felt the most complete and the most alive while performing! I forget my sickness, stress, worries- I leave everything behind when I perform for my fans.
And no matter what,nothing should have come in the way of me and the…— Bilal Saeed (@Bilalsaeedmusic) January 26, 2024
گلوکار کا کہنا تھا کہ میں اپنے مداحوں سے پیار کرتا ہوں اور بعض اوقات یہ محبت یکطرفہ بھی ہوسکتی ہے۔جب میں اپنے چاہنے والوں کے لئے پرفارم کرتا ہوں تو میں سب کچھ پیچھے چھوڑ دیتا ہوں۔
انہوں نے کہا کہ اسٹیج کا احترام مجھ سمیت ہر ایک پر لازم ہے۔پرفارمنس کے دوران اسٹیج مجھ سے احترام کا تقاضہ کرتا ہے اور اس چیز پر میں کبھی بھی کوئی سمجھوتہ نہیں کرسکتا۔
بلال سعید کا کہنا تھا کہ یقینی طور پر یہ واقعہ پہلی بار نہیں ہوا کہ کنسرٹ کے شرکاء میں سے کوئی بدتمیزی کررہا ہو لیکن یقینی طور پر پر میرا یہ ردعمل پہلی بار تھا جو نہیں ہونا چاہئے تھا۔
یاد رہے کہ بلال سعید کی سوشل میڈیا پر ایک ویڈیو وائرل ہورہی ہے جس میں وہ پرفارمنس دے رہے ہیں کہ اچانک غصے میں آکر مائیک کو حاظرین کی جانب کھینچ کر مار دیتے اور گانا ادھورا چھوڑ کر چلے جاتے ہیں۔
