گوگل نیوز پر ہمیں فالو کریںصوبہ خیبرپختونخوا کے ضلع بنوں میں کنٹونمنٹ بورڈ کے چیف ایگزیکٹیو افسر محمد بلال پاشا کی خودکشی کے حوالے سے نیا انکشاف سامنے آیا ہے۔
خود کشی کے بارے میں ڈسٹرکٹ پولیس افسر بنوں کا کہنا ہے کہ انہوں نے جائے وقوع کا خود جا کرمعائنہ کیا اور ہر پہلوسے جائزہ لیا اور وہ اس نتیجے پر پہنچے ہیں کہ واقعہ بظاہر خود کشی ہے۔
ورلڈکپ میں بھارت کی شکست کا جشن منانے پر 7 کشمیری طالب علم گرفتار
پولیس کے مطابق بلال کا گھریلو تنازع بھی چل رہا تھا، بلال پاشا کا بنوں سے راولپنڈی ٹرانسفر ہوگیا تھا اور پنڈی میں ان کی سابقہ بیوی بھی بڑے سرکاری عہدے پر فائز ہے، جس کی وجہ سے وہ ٹینشن کا شکار تھے۔
پولیس مزید تفیش کر رہی ہے اور تاحال یہی ثابت ہورہا ہےکہ یہ خود کشی تھی، جس میں انھوں نے 9ایم ایم پستول سے اپنی کنپٹی پر ایک گولی چلائی جس سے ان کی موت واقع ہوگئی، پوسٹ مارٹم رپورٹ بھی یہی ظاہر کررہی ہے۔
پولیس نے کینٹ تھانے میں ممتازنامی شخص جو ان کے سرکاری بنگلے میں رہتا ہے، سے انکوائری کرکے رپورٹ تھانہ کینٹ میں درج کر دی ہے۔
ادھر بلال کے والد احمد یار کے مطابق بلال پاشا نے دو، تین سال پہلے شادی کی تھی لیکن کچھ عرصہ بعد ان کی علیحدگی ہو گئی تھی۔
اسسٹنٹ کمشنر بنوں سید ابرار علی شاہ نے بتایا کہ پیر کو بلال نے چارج ہینڈ اوور کر کے پنڈی جانا تھا، تاہم انہوں نے کبھی ذہنی دباؤ کا اظہار نہیں کیا تھا۔
اُن کی نماز جنازہ آج صبح آبائی علاقے عبدالحکیم میں ادا کردی گئی۔
