گوگل نیوز پر ہمیں فالو کریںمعروف اداکار امیر گیلانی نے شادی کے حوالے سے بات کرتے ہوئے کہا ہے کہ شریک حیات کا بہترین دوست ہونا ضروری ہے۔
حال ہی میں امیر گیلانی نے ایک پروگرام میں شرکت کی، جس میں انہوں نے اپنی شادی اور شریک حیات کے حوالے سے گفتگو کی۔
انہوں نے کہا کہ شریک حیات کے لیے خاتون کا دوست ہونا ان کے لیے اہم ہے، تاہم وہ شریک حیات کے لیے خوبصورتی، شخصیت اور خدوخال کو بھی نظر میں رکھیں گے۔
امیر گیلانی نے بتایا کہ وہ یہ بات بھی نوٹ کرتے ہیں کہ لڑکیوں کے دانت کیسے ہیں اور ساتھ ہی ان کی شخصیت، لباس اور خدوخال کو بھی دیکھا جاتا ہے۔
ان کا کہنا تھا کہ وہ بیوی اور شوہر کے درمیان روایتی تعلقات پر یقین نہیں رکھتے، ان کی خواہش ہے کہ ان کی شریک حیات جو بھی ہو وہ شادی کے بعد بھی ویسی ہی رہیں جیسے وہ شادی سے قبل تھیں۔
زائد العمر یا طلاق یافتہ خاتون سے شادی کرنے کے سوال پر انہوں نے کہا کہ ایسی خواتین سے شادی کرنے میں کوئی غلط یا بری بات نہیں۔
امیر گیلانی نے وضاحت کی کہ محبت کا عمر سے کوئی تعلق نہیں ہوتا اور یہ کہ طلاق یافتہ ہونے سے کسی کے کردار کو جانچنے کا پیمانہ نہیں اور نہ ہی زائد العمر ہونا کوئی خرابی ہے۔
ان کے مطابق طلاق یافتہ اور زائد العمر خواتین سے شادی کی جا سکتی ہے اس میں کوئی خرابی نہیں۔
