گوگل نیوز پر ہمیں فالو کریںگزشتہ دن کراچی میں سہ فریقی سیریز کا فائنل پاکستان تو ہار گیا، تاہم اس میچ کے دوران ایک لڑکی نے اپنے چہرے کے متغیر تاثرات سے شائقین کرکٹ کے دل جیت لیے۔
کراچی کے نیشنل بینک کرکٹ اسٹیڈیم میں ہفتے کے دن پاکستان اور نیوزی لینڈ کے درمیان سہ فریقی سیریز کا فائنل میچ کھیلا گیا، جس میں پاکستان کو عبرت ناک شکست کا سامنا کرنا پڑا۔
اس میچ کے دوران مختلف کمزور اور مستحکم لمحات کے ساتھ اسٹیڈیم میں اور اسٹیڈیم سے باہر گھروں اور آفسز میں میچ دیکھنے والوں کے احساسات بھی بدلتے رہے۔
اسٹیڈیم میں جہاں ہزاروں تماشائی یہ میچ لائیو دیکھنے کیلئے موجود تھے اور ان کے اظہار جذبات کے مختلف انداز ٹی وی پر دکھائے جا رہے تھے، وہاں ایک خوبرو لڑکی کے میچ دیکھتے ہوئے دلکش تاثرات نے کیمرا مین کی توجہ اپنی طرف کھینچ لی۔
کیمرا مین کے ریڈار میں آنے کے باعث اس لڑکی کے چہرے کے تاثرات ٹی وی پر نشر ہوئے تو دنیا بھر سے یہ میچ دیکھنے والوں کے دل پر بھی نقش ہوگئے۔
ٹی وی پر بار بار دکھائے جانے کے باعث اب سوشل میڈیا پلیٹ فارمز پر ہر طرف اس لڑکی کی دلکش اداؤں اور ناز و انداز کے چرچے ہیں۔
View this post on Instagram
سوشل میڈیا پر اس خوبرو تماشائی لڑکی کے مختلف انداز کے اسکرین گریبز وائرل ہیں جن پر صارفین مختلف قسم کے دلچسپ ۔تبصرے کر رہے ہیں۔
آخر یہ وائرل لڑکی کون ہے؟
اس کے ساتھ ہی اس لڑکی کے متعلق تجسس بھی جنم لے رہا ہے اور ہر کوئی پوچھ رہا ہے کہ یہ لڑکی ہے کون؟
انہی سوالات کے درمیان بعض صارفین نے اس لڑکی کو انسٹاگرام سے ڈھونڈ نکالا۔ صارفین نے بتایا کہ یہ کراچی سے تعلق رکھنے والی ایک ابھرتی ہوئی ماڈل ہیں۔
View this post on Instagram
انسٹا گرام پر بنے کھاتے سے معلوم ہوتا ہے کہ اس کا نام عارفہ جنید انجم ہے۔ تاہم وائرل ہونے کے بعد یکایک اس نام سے کئی اکاؤنٹ کھل گئے ہیں، جس سے اندازہ لگانا مشکل ہوگیا ہے کہ اصل اکاؤنٹ کونسا ہے۔
