رم جھم پھوار اور گرتی بوندیں، ملک میں بارشوں کا آغاز کب سے ہوگا؟

اسلام آباد: محکمہ موسمیات نے ملک میں بارشوں کے حوالے سے بڑی پیش گوئی کردی۔

تفصیلات کے مطابق محکمہ موسمیات کا کہنا ہے کہ ملک کے مختلف شہروں میں مون سون بارشوں کا پہلا اسپیل رواں ہفتے میں شروع ہونے کا امکان ہے۔

محکمہ موسمیات نے بارشوں کے حوالے سے خبردار کرتے ہوئے کہا کہ پہلی جون سے بارشوں کا آغاز ہوگا، جس کے پیشِ نظرکشمیر، بالائی پنجاب، جنوب مشرقی بلوچستان، بالائی خیبرپختونخوا اور سندھ میں 5 جولائی تک گرج چمک کے ساتھ تیز بارش کی پیش گوئی کی گئی ہے۔

محکمہ موسیات نے کہا ہے کہ مون سون بارشوں کا دوسرا سلسلہ 6 سے 15 جولائی تک متوقع ہے، جس میں شدید بارشوں کا امکان ہے جبکہ عیدالاضحیٰ پر بھی بارش متوقع ہے۔

یہ بھی پڑھیں:

ترکی نے پاکستان کے ساتھ تجارت کرنے کی خواہش ظاہر کردی

چیف میٹرولوجسٹ سردار سرفراز نے بتایا کہ مون سون سسٹم کے ساتھ بحیرہ عرب سے نم ہوائیں بھی ملک پر اثر انداز ہوں گی، ملک کے شمالی حصے میں 30 جون سے بارشوں کا آغاز ہوگا۔

چیف میٹرولوجسٹ سردار سرفراز کا کہنا ہے کہ سندھ میں تھرپارکر، عمرکوٹ اور دیگر علاقوں میں یکم جولائی کی رات سے بارش ہوسکتی ہے، 2 جولائی کی شام یارات کراچی میں بھی بارشوں کا امکان ہے۔

اُن کا کہنا تھا کہ یہ سسٹم ملک کے جنوبی حصے سندھ اور بلوچستان میں زائد بارشوں کا باعث بن سکتا ہے ، اس دوران 3 سے 4 دن اور کچھ علاقوں میں 5 دن تک وقفے وقفے سے بارشوں کا امکان ہے۔