گوگل نیوز پر ہمیں فالو کریںاسلام آباد: محکمہ موسمیات نے پیشگوئی کی ہے کہ رواں ہفتے موسمِ سرما کی پہلی بارش ہوگی۔
محکمہ موسمیات کے مطابق مغربی ہواؤں کا سلسلہ 04 نومبرسے ملک میں داخل ہوگا جن کا اثر07 نومبر تک جاری رہے گا اور ملک کے بیشتر علاقوں میں بادل برسیں گے۔
محکمہ موسمیات نے بتایا کہ گلگت بلتستان اور آزاد کمشیرمیں 4 نومبرسے بارش کا سلسلہ شروع ہوگا، چترال، دیر، سوات، مانسہرہ اورایبٹ آباد بھی زد میں آئیں گے۔
سُپرمارکیٹ نے رقوم کی ادائیگی کیلئے کرپٹوکرنسی قبول کرنیکا اعلان کردیا
دوسری جانب 5 نومبر سے اسلام آباد، راولپنڈی، مری، چکوال، جہلم، گوجرانوالہ اور لاہور میں بادل برسیں گے جبکہ گجرات، شیخوپورہ، میانوالی، خوشاب اورسر گودھا میں جل تھل ہوگا ساتھ ہی چند مقامات پر ژالہ باری کا بھی امکان ہے۔
علاوہ ازیں 7 نومبر کو کوئٹہ سمیت بلوچستان کے مختلف علاقوں میں بارش کا امکان ہے جبکہ کراچی، سکھر، جیکب آباد میں بھی ہلکی بارش کی توقع ہے۔
