گوگل نیوز پر ہمیں فالو کریںاسکوئڈ گیم کے سیزن 3 کی ریلیز کی تاریخ ابھی تک تصدیق نہیں ہوئی تاہم مداحوں کو توقع ہے کہ نیا سیزن 2025 میں پیش کیا جائے گا۔
اسکوئڈ گیم کے تخلیق کار ہوانگ ڈونگ ہیوک نے حال ہی میں انکشاف کیا کہ سیزن 3 کی شوٹنگ پہلے ہی مکمل ہو چکی ہے کیونکہ یہ سیزن 2 کے ساتھ بیک ٹو بیک شوٹ کیا گیا تھا جو 26 دسمبر 2024 کو نشر ہوا۔
اگرچہ کوئی خاص ریلیز کی تاریخ فراہم نہیں کی گئی لیکن قیاس آرائیاں یہ ظاہر کرتی ہیں کہ “اسکوئڈ گیم” کا سیزن 3، 2025 کے موسم گرما یا خزاں میں ریلیز ہو سکتا ہے۔
ہوانگ ڈونگ ہیوک نے ناظرین کو اشارہ دیتے ہوئے کہا کہ پوسٹ پروڈکشن کا کام بخوبی جاری ہے۔ شو کی پچھلی ریلیز کے پیٹرنز کو مدنظر رکھتے ہوئے بہت سے لوگوں کا خیال ہے کہ آخری سیزن 2025 کے کرسمس کے دور میں پیش کیا جا سکتا ہے، جیسا کہ پہلے سیزن کی روایت رہی ہے۔
آج 27 یا کل 28 دسمبر: بھول بھلیاں 3 نیٹ فلکس پر کب ریلیز ہوگی؟
اسکوئڈ گیم جو 2021 میں شروع ہوا، نے اپنی جان لیوا مقابلے کے ساتھ ناظرین کو اپنی طرف متوجہ کیا جس میں زندگی بدل دینے والا 45.6 بلین وون کا انعام تھا۔
سیزن 1 میں دنیا کو سونگ گی ہن (لی جونگ جے) سے متعارف کرایا گیا، جو ایک مایوس باپ ہے جو ایک مہلک کھیل میں پھنس جاتا ہے جس کا اہتمام پراسرار فرنٹ مین (لی بیونگ ہن) نے کیا ہے۔ سیزن 2 تین سال بعد شروع ہوتا ہے، جہاں گی ہن اپنی کوشش جاری رکھتا ہے کہ اس ظالم مقابلے کا خاتمہ کرے۔
مداحوں کے نام ایک دلکش خط میں ہوانگ ڈونگ ہیوک نے تصدیق کی کہ سیزن 3 اس سلسلے کا آخری باب ہوگا۔ان کا کہنا تھا کہ میں اسکوئڈ گیم کے آخری سیزن کا اعلان کرنے کے لیے بے حد پرجوش ہوں،” انہوں نے لکھا۔ “گی ہن اور فرنٹ مین کی دو دنیاؤں کے درمیان شدید تصادم سیزن 3 کے شاندار اختتام میں جاری رہے گا، جو آپ کے لیے اگلے سال پیش کیا جائے گا۔”
