گوگل نیوز پر ہمیں فالو کریںسوشل میڈیا پر آئے دن نت نئے شغل میلے جھمیلے لگتے رہتے ہیں، جن میں لوگ مشغول اور مصروف ہوجاتے ہیں، آج کل انسٹا گرام پر ایسا ہی ایک نیا شغل میلہ جنک جرنلنگ کے عنوان سے خاصی توجہ سمیٹے ہوئے ہے۔
جنک جرنلنگ میں جذباتی اشیاء کو دوبارہ استعمال کرتے ہوئے خوبصورت اور فنکارانہ کولیجز بنائے جاتے ہیں، جو ایک جرنل کے اندراج کی طرح کام کرتے ہیں۔
جنک جرنل اور معمول کے جرنل اندراج میں واحد فرق یہ ہے کہ جنک جرنلز بصری اشیاء کے ذریعے واقعات کی اہمیت کو دستاویزی شکل میں پیش کرتے ہیں، جیسے کہ سوکھے ہوئے پھول یا تصاویر جو کسی خاص واقعے کی اہمیت رکھتی ہیں۔
ایمیزون پرائم نے کچھ مخصوص فلموں پر فری آفر لگادی، دیکھئے کون کونسی شامل ہیں؟
جنک جرنل ایک ہاتھ سے بنائی گئی ایک کتاب ہوتی ہے جس میں ذاتی اور ری سائیکل شدہ مواد شامل ہوتا ہے تاکہ یادوں اور خیالات کو ذخیرہ کیا جا سکے۔ جیسا کہ نام سے ظاہر ہے، اس کے صفحات ایسے مواد سے بھرے ہوتے ہیں جو عام طور پر پھینک دیے جاتے ہیں۔ مثلاً اخبار، پرانے ٹرین ٹکٹ، ہوائی جہاز کے ٹکٹ، کپڑے کے ٹکڑے جیسے کہ لیس اور رِببنز، اسٹیمپس وغیرہ۔
آپ جنک جرنل کو جیسا چاہیں ویسا منفرد بنا سکتے ہیں، جیسے کہ یادگاری اشیاء جیسے تصاویر، سوکھے ہوئے پھول، بروشرز، سفر کے سووینئرز وغیرہ، اس میں کچھ واشی ٹیپ اور اسٹیکرز بھی شامل کر لیں، اور آپ کے پاس ایک بصری دلکش جرنل تیار ہو جائے گا۔
جنک جرنلز چھوٹے ٹائم مشینز کی طرح کام کرتے ہیں، ایک بار جب آپ ایک بنا لیں، تو آپ صفحات کو پلٹ کر واپس جا سکتے ہیں اور پہلی ملاقات پر محسوس ہونے والی جذبات یا اس ناقابل فراموش سفر کی یادوں میں خود کو کھو سکتے ہیں۔
