ملک کے مختلف شہروں میں آج سے موسم شدید گرم رہے گا۔محکمۂ موسمیات

اسلام آباد: محکمۂ موسمیات کا کہنا ہے کہ ملک کے مختلف شہروں، بالخصوص میدانی علاقوں میں آج سے موسم شدید گرم رہنے کا امکان ہے۔

تفصیلات کے مطابق وفاقی دارالحکومت اسلام آباد، پنجاب، خیبر پختونخوا، آزاد کشمیر اور گلگت بلتستان میں درجۂ حرارت میں 7 سے 9 ڈگری تک اضافے کا خدشہ ہے۔ محکمۂ موسمیات نے گرمی کی لہر سے خبردار کردیا۔

یہ بھی پڑھیں:

عمران خان کو سازش کی آڑ میں جرائم چھپانے نہیں دیں گے۔مریم نواز

محکمۂ موسمیات کا کہنا ہے کہ بلوچستان اور سندھ میں درجۂ حرارت میں 6 سے 8 ڈگری سینٹی گریڈ تک اضافے کا امکان ہے۔ آج کراچی میں بھی موسم گرم اور مرطوب رہنے کی توقع ہے۔ مغرب کی سمتوں سے ہوائیں چلیں گی۔

گزشتہ روز صوبہ سندھ کے شہر دادو اور جیکب آباد میں درجۂ حرارت 48 ڈگری سینٹی گریڈ رہا۔ ڈاکٹرز کا کہنا ہے کہ شدید گرمی کے موسم میں شہریوں کو بلا ضرورت گھر سے باہر نہیں نکلنا چاہئے۔ زیادہ سے زیادہ پانی استعمال کریں۔

ڈاکٹرز کا کہنا ہے کہ گرمی کے موسم میں شہریوں کو ہیٹ ویو سے بچنے کیلئے شدید دھوپ کے اوقاتِ کار میں گھروں سے نکلنے سے گریز کرنا ہوگا۔ ہلکی پھلکی غذا کھائیں اور سر ڈھانپیں۔ ہر روز غسل کو معمول بنا لیں۔