گوگل نیوز پر ہمیں فالو کریںاسلام آباد: وزیرِ اعظم کے معاونِ خصوصی برائے امورِ صحت ڈاکٹرظفر مرزا نے کہا ہے کہ حکومت نے کورونا وائرس سے متاثرہ افراد کے 1000 سے زائد رابطے ٹیسٹ کر لیے ہیں۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی صحت ڈاکٹر ظفر مرزا نے کہا کہ اب تک ہم نے 1000 سے زائد رابطوں کو ٹیسٹ کیا ہے جبکہ مجھے اس بات پر محکمۂ صحت کے کارکنان پر فخر ہے۔ عوام کارکنان کی حمایت جاری رکھیں۔
معاونِ خصوصی برائے امورِ صحت نے کہا کہ عوام کو چاہئے کہ اپنے خاندانوں کی کورونا وائرس سے حفاظت کرکے ہمارے کارکنان کی حمایت کریں۔ سماجی فاصلے پر عمل کریں۔ گھروں پر رہیں اور اپنے ہاتھ باقاعدگی سے دھوئیں۔
Until now we traced and tested over 1000 contacts. I am proud of our healthcare workers! Support them by keeping yourself and your families safe. Follow social distancing, stay at home and wash your hands regularly. Thank you Team ICT! <288> pic.twitter.com/yjXooHinSa
— Zafar Mirza (@zfrmrza) April 21, 2020
یاد رہے کہ اس سے قبل پاکستان میں کورونا وائرس کے سبب181 افراد جاں بحق اور متاثرہ افراد کی تعداد8678 ہوگئی جبکہ 65 مریضوں کی حالت تشویشناک بتائی گئی۔
سرکاری اعدادوشمار کے مطابق گزشتہ 24گھنٹوں میں کورونا وائرس سے ملک میں مزید 17 افراد جان کی بازی ہار گئے ۔پنجاب میں کورونا وائرس کے سب سے زیادہ3721 کیسز رپورٹ ہوئے۔
مزید پڑھیں: پاکستان میں کورونا کے باعث 181افراد جاں بحق ہو گئے
