گوگل نیوز پر ہمیں فالو کریںقائدِ حزبِ اختلاف قومی اسمبلی شہباز شریف نے کہا ہے کہ ہم مسلح افواج اور طبی عملے کی خدمات کا حق ادا نہیں کرسکتے کیونکہ وہ قوم کا اندرونی و بیرونی محاذ پر دفاع کرتے ہیں۔
سماجی رابطے کی ویب سائٹ ٹوئٹر پر اپنے پیغام میں قومی اسمبلی کے اپوزیشن لیڈر اور مسلم لیگ (ن) کے صدر شہباز شریف نے پاک فوج کے آفیسر میجر محمد اصغر کی کورونا وائرس کے باعث وفات پر تعزیت کا اظہار کرتے ہوئے کہا کہ ہمارے بہادر بیٹے اور بیٹیاں محاذ پر موجود ہیں اور قوم کی سلامتی کیلئے اپنی زندگیاں داؤ پر لگا رہے ہیں۔
صدر پاکستان مسلم لیگ (ن) نے کہا کہ ہم اپنی مسلح افواج اور طبی عملے کی خدمات کیلئے ان کا شکریہ ادا کرنے کے قابل نہیں، کیونکہ وہ ہمیں ظاہری اور غیر مرئی دشمنوں سے بچاتے ہیں جبکہ کورونا وائرس اور لاک ڈاؤن کے باعث ملک غیر معمولی اور مشکل وقت کا سامنا کر رہا ہے۔
شہباز شریف نے کہا کہ میں میجر محمد اصغر کی وفات پر افسردہ ہوں اور ان کی روح کے ایصالِ ثواب اور لواحقین کو صبرجمیل عطا کرنے کیلئے اللہ سے دعا گو ہوں۔
Our brave sons & daughters are putting their lives on the line for us. We can not thank our armed forces & medical fraternity enough for protecting us against both visible & invisible enemies in these unusual and hard times. My prayers for the departed soul & the bereaved family! https://t.co/h5rk1BLp6S
— Shehbaz Sharif (@CMShehbaz) May 11, 2020
یاد رہے کہ اس سے قبل کورونا وائرس نے پاک فوج کے ایک آفیسر کی جان لے لی جبکہ ڈی جی آئی ایس پی آر نے میجر محمد اصغر کی وائرس کے باعث وفات کی تصدیق کرتے ہوئے ان کی تصویر جاری کردی۔
ٹوئٹر پر اپنے پیغام میں ڈی جی آئی ایس پی آر میجر جنرل بابر افتخار نے کہا کہ میجر محمد اصغر نے طورخم بارڈر پر اپنی ڈیوٹی سرانجام دیتے ہوئے کورونا وائرس کے خلاف جنگ لڑی جنہیں ہسپتال میں داخل کرایا گیا۔
مزید پڑھیں:کورونا وائرس نے میجر محمد اصغر کی جان لے لی۔آئی ایس پی آر
