گوگل نیوز پر ہمیں فالو کریںاسلام آباد: وزیرِ مملکت برائے تعلیم شفقت محمود نے کہا ہے کہ ملک کے 29 تعلیمی بورڈز سے رابطے میں ہیں جن کے ساتھ طلباء کے مسائل پر مشاورت جاری ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ تعلیم شفقت محمود نے کہا کہ اس بات میں کوئی شک و شبہ نہیں ہونا چاہئے کہ تمام امتحانات کو منسوخ کردیا گیا ہے جبکہ 80 فیصد طلباء کو اس بات سے کوئی مسئلہ نہیں۔
وفاقی وزیر شفقت محمود نے کہا کہ امتحانات دوبارہ دینے والے یا زیادہ نمبر حاصل کرنے کے لیے دوبارہ امتحان دینے والے اور پرائیویٹ طلباء سمیت 20 فیصد طلباء ایسے ہیں جنہیں لاک ڈاؤن کے باعث مسائل پیش آ رہے ہیں۔
وزیرِ تعلیم شفقت محمود نے کہا کہ طلباء کے مسائل پر ہم جمعے کے روز گفتگو کریں گے جبکہ وزارتِ تعلیم ملک بھر کے 29 بورڈز سے رابطے میں ہے۔ ہم ایسے طلباء کے مسائل حل کرنا چاہتے ہیں جنہیں وزارت کی پروموشن پالیسی سے نقصان ہوسکتا ہے۔
شفقت محمود نے کہا کہ بورڈز نے وزارتِ تعلیم سے درخواست کی ہے کہ سفارشات کو حتمی شکل دینے کے لیے انہیں کچھ دن کا وقت دیا جائے جس کے بعد ہم جمعے کے روز ملک بھر میں تعلیمی عمل کے حوالے سے اہم اعلانات کریں گے۔
All Board exams are cancelled. No confusion on that. 80% students have no issues. There are some categories like repeaters or improvers and private students and some others whose issues need to be addressed and will be by Friday https://t.co/Mnwy1Nrgx7
— Shafqat Mahmood (@Shafqat_Mahmood) May 11, 2020
