گوگل نیوز پر ہمیں فالو کریںبھارتی ہندو خاتون نے اپنے انتہاپسند وزیراعظم نریندر مودی کا ایجنڈا بے نقاب کر دیا۔
ذرائع کے مطابق پہلگام فالس فلیگ آپریشن کے بعد بھارت کے اندر ہی سے سچ سے پردہ اٹھتا جا رہا ہے۔ بھارتی شہری خود مودی کی مکروہ پالیسیوں اور مکاریوں پر کھل کر لب کشائی کر رہے ہیں۔
ایک وائرل ویڈیو میں بھارتی خاتون شہری نے بھی اسی حوالے سے مودی کو آڑے ہاتھوں لیا اور کہا کہ میں کشمیر جا چکی ہوں، وہاں کے مسلمان بہت اچھے ہیں۔ کشمیر کے مسلمان سیاحوں کو مہمان سمجھتے ہیں جبکہ مودی بہت بڑا جھوٹا ہے۔
خاتون نے کہا کہ مودی کے پاس بھارتی عوام کی بہتری اور خواتین کے تحفظ کے لیے کوئی ایجنڈا نہیں۔ مودی کے پاس صرف ہندو اور مسلم کو لڑوانے کا ایجنڈا ہے۔ مودی کی ناکامی کی وجہ سے چین نے بھارتی علاقوں پر قبضہ کر لیا ہے۔ انہوں نے کہا کہ مودی جھوٹا ہے،مودی کیسے پاکستان کا پانی بند کرسکتا ہے۔
