گوگل نیوز پر ہمیں فالو کریںاداکار فیروز خان نے اپنی دوسری اہلیہ ڈاکٹر زینب سے پہلی ملاقات کے حوالے سے انکشاف کیا ہے۔
فیروز خان نے حال ہی میں برطانیہ میں منعقد ایک ایوارڈ تقریب میں شرکت کی جہاں انہیں ایوارڈ سے نوازا گیا۔
تقریب کے بعد میڈیا سے بات کرتے ہوئے اداکار نے انکشاف کیا کہ وہ اپنی اہلیہ زینب سے کیسے ملے۔
صحافیوں کے سوالات کے جواب دیتے ہوئے اداکار نے بتایا کہ میں نے آپ کو بتایا تھا کہ وہ میری ڈاکٹر تھیں، اس پر صحافی نے کہا دل کی ڈاکٹر تھیں جس پر فیروز نے ہنستے ہوئے کہا وہ میرے دل کی ڈاکٹر تھیں اور اب وہ میرے بلوں کی ڈاکٹر ہیں۔
انہوں نے مزید کہا کہ زینب ایک خوبصورت لڑکی ہے، ماشاءاللہ اور میں بہت خوش ہوں کہ اللہ نے مجھے اتنا خوبصورت ساتھی دیا ہے، وہ میرے ساتھ ہر اچھے اور بُرے میں کھڑی رہتی ہے۔
یہاں یہ بات بھی قابلِ ذکر ہے کہ فیروز خان کی اہلیہ زینب ذہنی صحت کی ڈاکٹر ہیں۔
واضح رہے کہ فیروز خان کی شادی سیدہ علیزہ سلطان سے ہوئی تھی لیکن شادی کے کچھ عرصے بعد ہی دونوں نے علیحدگی اختیار کرلی تھے، فیروز اور علیزہ کے دو بچے ہیں۔
