وسیم اکرم کی بھارتی ٹیم کے ساتھ ہولی منانے کی تصویر کے سوشل میڈیا پر چرچے

کراچی:قومی کرکٹ ٹیم کے سابق کپتان اور مایہ ناز فاسٹ بالر وسیم اکرم بھی اپنے کرکٹ کے دنوں میں بھارتی ٹیم کے ہمراہ ایک ساتھ ہولی کا تہوار مناچکے ہیں۔

اس بات کا انکشاف ایک بھارتی پریزنٹر اور کمنٹیٹر گوتھم بھیمانی نے اپنے ٹوئٹ میں وسیم اکرم کے ہمراہ ہولی کھیلتے یادگار تصویر شیئر کرتے ہوئے کیا۔

بھارتی پریزنٹر اور کمنٹیٹر گوتھم بھیمانی نے بتایا کہ 1987 میں پاکستان کرکٹ ٹیم نے بھارتی کرکٹ ٹیم کے ہمراہ تاج ویسٹ ہوٹل، بنگلور میں ایک ہی پول میں ہولی کھیلی۔

Happy Holi . What a day that was 87 tour of india. https://t.co/IV8QsP0Yko

— Wasim Akram (@wasimakramlive) March 28, 2021

بھارتی کمنٹیٹر کا مزید کہنا تھا کہ یہ میری وسیم اکرم سے پہلی ملاقات بھی تھی۔ٹوئٹ پر ردعمل دیتے ہوئے وسیم اکرم بھی چپ نہ رہ سکے اور کہا کہ آپ کو ہولی کی مبارک ہو۔

وسیم اکرم نے مزید کہا کہ 87ء کا بھارت کا دورہ ایک یادگار دورہ تھا۔یاد رہے کہ ہولی موسمِ بہار کا تہوار ہے جو سردیوں کا موسم ختم ہونے پر ہندو برادری جوش و خروش سے مناتی ہے۔