دبئی میں فلائٹ ویٹ باکسنگ فائٹ میں شاندار کامیابی کےبعدمحمد وسیم وطن واپس لوٹے توآفیشلزمیں سےکوئی ان کااستقبال کرنے نہ آیااورانہیں ٹیکسی پرروانہ ہوناپڑا۔
محمد وسیم نے فلپائنی حریف کو پہلے ہی راؤنڈ میں ناک آوٹ کر تے ہوئے جیت کشمیریوں کے نام کی تھی، محمدوسیم نے فلپائنی باکسر کونراڈوسور کو محض 82 سیکنڈ میں ناک آؤٹ کرکے فتح حاصل کی تھی۔
ملک کا نام روشن کرنے اور کامیابی حاصل کرنے کے باوجود استقبال نہ ہونے پرسوشل میڈیاصارفین نےاپنےرد عمل کااظہارکیاجس پرمحمدوسیم نےسماجی رابطےکی ویب سائٹ ٹوئٹرپرمایوسی کااظہار کرتے ہوئے کہا کہ” میں ائرپورٹ پراستقبال کے لیے نہیں لڑ رہا ہوں بلکہ اس لیے لڑ رہا ہوں کہ عالمی سطح پرپاکستان کااستقبال ہو، ہر فائٹ ، ہرکیمپ ، ہر ٹریننگ اور ہرٹور میرے لیے یہ ثابت کرنے کا موقع ہوتا ہے کہ پاکستان میں باکسنگ کا کتنا ٹیلنٹ موجود ہے”۔
Im not fighting to get istaqbals at the airport. Im fighting so that Pakistan gets good Istaqbal all over the world. Every fight, every camp, every training, every tour, is another opportunity for me to show the boxing world the world class boxing talent Pakistan has 🇵🇰🥊 https://t.co/JQY3EI2xu7
— Muhammad Waseem 🥊🇵🇰 (@MWaseemOfficial) September 15, 2019
اس معاملے پر سابق کرکٹ کپتان وسیم اکرم نےٹوئٹ کرتے ہوئےکہا کہ پاکستان کی جانب سے میں آپ سے معافی مانگتا ہوں۔ بعض اوقات ہمیں سچائی جاننے کیلئے خودکوتھپڑ مارکرخود کوجگانےکی ضرورت ہوتی ہے جو یاد دلاتی ہے کہ ہمیں اپنے ہیروز کے ساتھ کیسا سلوک کرنا چاہیے۔
I apologise on the behalf of Pakistan, Sometimes we as a country need to be “smacked on the face” with the fist of reality to wake us up and remind us how we should be treating our hero’s. I’m picking you up from the airport next time myself! Massive congratulations on the win! https://t.co/i7K1S4l2jx
— Wasim Akram (@wasimakramlive) September 15, 2019
انہوں نے مبارک باد پیش کرتے ہوئے کہا کہ محمد وسیم آئندہ فتح کا جھنڈا گاڑ کر واپس آئے تو خود ان کو لینے ہوائی اڈے جاؤں گا، شاندار کامیابی پر ان کو مبارکباد پیش کرتا ہوں۔