گوگل نیوز پر ہمیں فالو کریںقومی کرکٹ ٹیم کے سابق کپتان اور سوئنگ کے سلطان نے اپنی بیٹی کو سالگرہ کے موقعے پر مبارکباد دیتے ہوئے تینوں بچوں کا گروپ فوٹو شیئر کردیا۔ وسیم اکرم نے کہا کہ میرے تمام بچے اس تصویر میں ایک ساتھ نظر آرہے ہیں۔
سماجی رابطے کی ویب سائٹ ٹوئٹر پر اپنے پیغام میں سابق کپتان وسیم اکرم نے کہا کہ میرے تمام بچے اس فوٹو میں ایک ساتھ ہیں جو میری زندگی کا پر مسرت ترین لمحہ ہے۔
وسیم اکرم نیشنل اسٹیڈیم خالی دیکھ کر غمزدہ، وجوہات کی تلاش شروع
کرکٹ کیلئے خدمات کا اعتراف، وسیم اکرم کو دبئی کا گولڈن ویزہ مل گیا
All my babies together, happiest moments of my life! Happy birthday to my little girl, one of life’s true gifts. We all love you so much especially me Daddy ???????????? pic.twitter.com/9Pg3IzWBv7
— Wasim Akram (@wasimakramlive) December 28, 2021
ٹوئٹر پیغام میں وسیم اکرم نے کہا کہ اپنی چھوٹی سی بیٹی کو سالگرہ کے موقعے پر مبارکباد دیتا ہوں جو میری زندگی کے حقیقی تحفوں میں سے ایک ہے۔
اپنی بیٹی سے محبت کا اظہار کرتے ہوئے قومی ٹیم کے سابق کپتان نے کہا کہ ہم سب، خاص طور پر تمہارے والد وسیم اکرم تم سے بہت پیار کرتے ہیں۔
خیال رہے کہ اس سے قبل قومی ٹیم کے سابق کپتان پاکستان اور ویسٹ انڈیز کے پہلے ٹی 20 میچ کے دوران نیشنل اسٹیڈیم خالی دیکھ کر غمزدہ ہوگئے۔ وسیم اکرم نے اسٹیڈیم خالی ہونے کی وجوہات تلاش کرنا شروع کردیں۔
ٹوئٹر پر رواں ماہ 14دسمبر کو اپنے پیغام میں سابق کپتان وسیم اکرم نے کہا کہ میں نے پاکستان اور ویسٹ انڈیز کے مابین پہلا ٹی 20کرکٹ میچ دیکھا اور اس کے دوران کراچی کے نیشنل اسٹیڈیم کو خالی دیکھ کر ناقابلِ یقین حد تک دکھ ہوا۔
