خبردار، گوگل سے معلومات لینا آپ کو خطرے میں بھی ڈال سکتا ہے

گوگل ایک ایسا پلیٹ فارم ہے جہاں پر ہر قسم کی معلومات موجود ہوتی ہیں جس کو دیکھو وہ کوئی بھی معلومات حاصل کرنے کیلئے گوگل کا رُخ کرتا ہے۔

انگلیوں کی نوکوں پر معلومات کے سمندر کا ہونا اگرچہ انسانی ذہانت کی جدت کا ایک اچھا طریقہ لگتا ہے لیکن اس کے متعلق ایک نئی تحقیق میں اہم دعویٰ کیا گیا ہے۔

ایک نئی تحقیق میں یہ بات سامنے آئی ہے کہ کسی بھی چیز کے کتاب میں پڑھنے کی نسبت معلومات کو گوگل کرنے سے اس بات کے امکانات زیادہ بڑھ جاتے ہیں کہ ہم اس کو بھول جائیں۔

اس چیز کو ‘ڈیجیٹل ایمنیشیا‘ یا ’دی گوگل افیکٹ‘ کہا جاتا ہے۔

سائنسی تحقیق میں یہ بات سامنے آئی ہے کہ انسان کے دماغ سرچ انجنز پر گہرائی سے زہن نشین کرنے کے مائل نہیں ہوتے کیونکہ ہم جانتے ہیں اس تک رسائی آسان ہے اور اس کو دوبارہ حاصل کیا جاسکتا ہے لہٰذا ہم اس کو ذہن نشین نہیں کرتے۔

یہ بھی پڑھیں:گوگل سرچ ہسٹری کو صاف کرنے کیلئے نیا فیچر متعارف

اس کے بجائے ہم یہ یاد رکھتے ہیں کہ ان معلومات تک دوبارہ سے کیسے پہنچنا ہے جیسے کہ کی ورڈز وغیرہ جن کی مدد سے معلومات تلاش کی جاتی ہیں۔

مزید برآں تحقیق کے مطابق انسان ذہنی طور پر کنجوس ہوتے ہیں مطلب یہ کہ ہمارے اندر یہ پیدائشی جبلت ہوتی ہے کہ ہم کاہلی کی وجہ سے کسی طرح ذہنی مشقت کرنے سے بچ جائیں۔

واضح رہے کہ یہ تحقیق جرمنی کی یونیورسٹی آف کولون کی فیکلٹی آف مینیجمنٹ، اکنامکس اینڈ سوشل سائنسز کے ڈاکٹر ایستھر کینگ نے کی جس کو جرنل آف ایکسپیریمنتل سائیکولوجی اپلائیڈ میں شائع کیا گیا۔