گوگل نیوز پر ہمیں فالو کریںمعروف پاکستانی اداکار وہاج علی نے اپنی اداکاری سے صرف پاکستانی عوام کا ہی دل نہیں جیتا بلکہ بھارتی عوام کو بھی اپنا گرویدہ بنالیا۔
حال ہی میں وہاج علی کے انسٹاگرام پر فالوورز کی تعداد 3 ملین ہوگئی، اداکار کی اس کامیابی سے اُن کے بھارتی مداح بہت خوش ہوئے اور انہوں نے بہت خوبصورت انداز میں خوشی کا اظہار کیا، جس کی ویڈیو سوشل میڈیا پر وائرل ہوگئی۔
وہاج علی کے انسٹاگرام پر فالوورز کی تعداد 3 ملین ہونے کی خوشی میں بھارت کے ایک سکول کے طلباء نے ایک چھوٹی سی تقریب کا انعقاد کیا، جس میں بچے اداکار کے پوسٹرز لائے اور ایک کیک بھی کاٹا۔
انہوں نے اس تقریب کی ویڈیو اور تصاویر سوشل میڈیا پر بھی شیئر کیں۔ جس کے بعد وہاج علی نے اس تقریب کی ویڈیو اور تصاویر اپنے انسٹاگرام اکاؤنٹ پر شیئر کرتے ہوئے اپنے بھارتی مداحوں کا شکریہ ادا کیا۔ اُنہوں نے اپنی پوسٹ کے کیپشن میں لکھا کہ یہ حوصلہ افزائی کا سب سے خوبصورت انداز ہے۔
View this post on Instagram
اُنہوں نے اسکول انتظامیہ سے مخاطب ہوتے ہوئے لکھا کہ میں شکریہ ادا کرنے کے لیے آپ کو اور ان خوبصورت بچوں کو پاکستان سے بھارت کوئی تحفہ بھیجنے سے تو قاصر ہوں لیکن میں دل کی گہرائیوں سے دعا کرتا ہوں کہ اللّٰہ آپ سب کو خوش رکھے،آمین۔
