گوگل نیوز پر ہمیں فالو کریںسندھ کے ضلع عمر کوٹ میں مریض کو سائیکل میں ہوا بھرنے والے پمپ سے نیبولائز کرنے کی ویڈیو سوشل میڈیا پر وائرل ہوگئی۔
سندھ میں گزشتہ 17 برسوں سے پیپلز پارٹی بلاشرکت غیرے حکومت کررہی ہے اس کے باوجود سندھ میں صحت کا نظام انتہائی افسوسناک ہے۔
پیپلزپارٹی کے چیئرمین بلاول بھٹو زرداری اور پیپلز پارٹی کے دیگر رہنما ہمیشہ سندھ میں ہیلتھ سسٹم کے دعوے کرتے دکھائی دیتے ہیں تاہم حقیقت اس کے برعکس ہے۔
پیپلز پارٹی کے لاجواب 17 سالہ ہیلتھ سسٹم میں سائیکل کے ٹائر میں ہوا بھرنے والے پمپ سے مریض کو عمرکوٹ سندھ میں نیبولائز کیا جا رہا ہے۔ آپ پھر بھی پیپلز پارٹی کو نہیں مانتے۔ افسوس ہے آپ کی منفی سوچ پر۔ pic.twitter.com/8BYy4HuSMx
— Yaseen Rind (@myaseenrind) November 3, 2024
عمر کوٹ کے ایک اسپتال سے سامنے آنے والی اس ویڈیو نے سندھ کے ہیلتھ سسٹم کو مکمل طور پر بے نقاب کردیاہے۔
سندھ کے دیگر اضلاع میں بھی ایسی کئی ویڈیوز سامنے آچکی ہیں جہاں مریضوں کو ٹھیلوں پر اسپتال منتقل کرنے اور زمین پر لٹاکر ڈرپس لگانے کے واقعات بھی پیش آچکے ہیں۔
عمر کوٹ میں مریض کو سائیکل میں ہوا بھرنے والے پمپ سے نیبولائز کرنے کی ویڈیو سامنے آنے کے بعد سوشل میڈیا صارفین نے پیپلزپارٹی کی قیادت اور سندھ حکومت پر کڑی تنقید کی ہے۔
