گوگل نیوز پر ہمیں فالو کریںٹرمپ اور زیلنسکی کے درمیان جھگڑا آمیز ملاقات کے دوران ایک اور دلچسپ اور حیران کن منظر بھی کیمروں نے محفوظ کرلیا۔
اس کانٹے دار ملاقات کے دوران امریکہ میں یوکرین کی سفیر اوکسانا مارکارووا کے پریشانی بھرے ردعمل نے پوری دنیا کی توجہ حاصل کرلی۔
امریکی صدر و نائب اور یوکرینی صدر کے درمیان گرما گرم گفتگو کے دوران سینیئر یوکرینی سفارتی اہلکار کے ویڈیو کلپس گردش کرنے لگے۔ یوکرینی عہدیدار نے اپنا چہرہ ڈھانپ لیا تھا۔ یہ مناظر سوشل میڈیا پر بھی جنگل کی آگ کی طرح پھیل گئے۔
اس بارے میں العربیہ نیٹ ورک میں یوکرینی امور کے ماہر صحافی عبدالجلیل میسی نے تبصرہ کیا کہ سفیر کا ردعمل اس بات پر سامنے آیا جب کہا گیا تھا کہ ان کے باس نے اپنے آخری کارڈز کھو دیے ہیں۔
انہوں نے مزید کہا کہ وہ اس بات سے پوری طرح واقف ہیں کہ امریکی صدر ڈونلڈ ٹرمپ نے زیلنسکی کے لیے پہلے سے ایک جال تیار کر رکھا تھا۔
انہوں نے یہ بھی وضاحت کی کہ اس میٹنگ نے بہت کچھ خراب کر دیا۔ اس میٹنگ کے لیے یوکرینی خاتون عہدیدار نے طویل عرصے تک کام کیا تھا۔ اس نے بارہا دونوں ممالک کے درمیان تعلقات بحال کرنے کی کوشش کی تھی۔
