گوگل نیوز پر ہمیں فالو کریںپاکستان میں زیادتی کا شکار ہونے والی خواتین کو موردالزام ٹھہرانا کوئی نئی بات نہیں ہے ۔ نور مقدم قتل کیس کے بعد کچھ ایسی ہی بحث کی گوج مختلف چینلز پر سنائی دیتی رہتی ہے۔ نجی نیوز چینل کے اینکر عمران ریاض خان نے ایسا ہی ایک ویڈیو کلپ سوشل میڈیا پر شیئر کیا ہے جس میں نور مقدم کے فون کا حاصل شدہ ڈیٹا ہے۔ جس کے بعد ٹوئٹر پر اینکر عمران خان پر سخت تنقید کی جارہی جبکہ کچھ صارفین نے اینکر کے حق میں سوشل میڈیا پر اپنے خیالات کا اظہار کیا ہے۔
معروف ٹی وی اینکر اور یوٹیوبر عمران خان نے مقتولہ نور مقدم پر تنقید کرتے ہوئے کہا ہے کہ ” نور مقدم کا اپنے والد سے گزشتہ 6 ماہ کے دوران کتنی مرتبہ رابطہ ہوا ہے۔ اس کے والد نے اسے 8 مرتبہ میسج کیا اور نور مقدم نے انہیں صرف 3 مرتبہ جواب دیا۔ یہ تو رابطہ تھا اس کا اپنے والد کے ساتھ ۔ لیکن آپ کو پتا ہے کہ جس بندے نے اس کا گلا کاٹا ہے اس کے ساتھ کتنی مرتبہ رابطہ ہوا ۔ ظاہر جعفر کے ساتھ نور مقدم کے سیکڑوں رابطے تھے گزشتہ 6 ماہ کے دوران۔ جہاں رابطے ہونے چاہئیں تھے وہاں نہیں ہے اور جہاں نہیں ہونے چاہئیں تھے وہاں تھے۔ اسلام آپ کو بتاتا ہے کہ ایسا نہ کریں یہ گناہ ہے ۔ آپ کو نامحرم کا تصور دیتا ہے پھر آپ کا معاشرہ آپ کو اس کی اجازت نہیں دیتا ہے۔”
People are criticizing anchor Imran Khan for comment on Noor Muqaddam Case#NoorMuqaddam pic.twitter.com/mVYDdFjNpZ
— The Brief Script (@TheBriefScript) August 10, 2021
اینکر عمران ریاض کے ویڈیو کلپ پر رائے زنی کرتے ہوئے صحافی زیب النسا برکی کا کہنا ہے کہ ’یہ انتہائی ناگوار اور خطرناک ہے اور اسے رپورٹ کیا جانا چاہیے۔‘
ایک اور ٹوئٹر صارف اور معروف صحافی منصور خان نے ’مرد نے اس عورت کو مار دیا جس نے اپنے والد کو صرف تین مرتبہ ٹیکسٹ پیغام بھیجا‘ والی ہیڈ لائن کو مسترد کرتے ہوئے لکھا کہ اس خبر کو اس طرح لکھا جانا چاہیے ’مرد نے عورت کا قتل کر دیا‘۔
M̵a̵n̵ ̵k̵i̵l̵l̵s̵ ̵w̵o̵m̵a̵n̵ ̵w̵h̵o̵ ̵m̵e̵s̵s̵a̵g̵e̵d̵ ̵h̵e̵r̵ ̵f̵a̵t̵h̵e̵r̵ ̵3̵ ̵t̵i̵m̵e̵s̵ ̵o̵n̵l̵y̵
Man kills woman #NoorMuqadam https://t.co/77ko7yIZPv
— Mansoor Ali Khan (@_Mansoor_Ali) August 10, 2021
ٹوئٹر صارف انیلہ صدیق میر نے لکھا ہے کہ “اینکر عمران خان نے بالکل ٹھیک کہا ہے مگر کسی کو قتل کا اختیار کسی کے پاس نہیں ہے۔”
He is absolutely right but at the same time no one has the right to kill anyone
— ANILA (@anilasadeeqmir1) August 10, 2021
محمد ذہیب نامی ٹوئٹر صارف نے لکھا ہے کہ “ماشاءاللہ میرے بھائی نے بہت اچھی بات کی ہے۔”
ماشاء اللہ میرے بھائی نے بہت اچھی بات کی
— Muhammad Zuhaib (@Muhamma11317359) August 10, 2021
