گوگل نیوز پر ہمیں فالو کریںواشنگٹن: امریکی صدر ڈونلڈ ٹرمپ نے چینی ہم منصب ژی جن پنگ کو کرونا وائرس سے نمٹنے کے لیے ہر ضروری مدد کی پیش کش کی ہے۔
سماجی رابطے کی ویب سائٹ ٹوئٹر پر اپنے پیغام میں امریکی صدر ڈونلڈ ٹرمپ نے کہا کہ کرونا وائرس سے چین میں پیدا ہونے والی صورتحال کا باریکی سے جائزہ لے رہے ہیں۔
امریکی صدر ڈونلڈ ٹرمپ نے کہا کہ کرونا وائرس پر چین کے ساتھ قریبی رابطے میں ہیں جبکہ امریکا میں بے حد کم لوگ کرونا وائرس سے متاثر ہوئے ہیں۔
صدر ڈونلڈ ٹرمپ نے کہا کہ ہم نے امریکا میں کرونا وائرس پر سنجیدگی سے نظر رکھی ہوئی ہے۔ ہم نے چینی صدر ژی جن پنگ کو بھی ہر ضروری مدد کی پیشکش کی ہے۔
کرونا وائرس میں طبی عملے کی مہارت کی تعریف کرتے ہوئے امریکی صدر ڈونلڈ ٹرمپ نے کہا کہ ہمارے طبی ماہرین وائرس کی روک تھام کے لیے بے مثال ہیں۔
We are in very close communication with China concerning the virus. Very few cases reported in USA, but strongly on watch. We have offered China and President Xi any help that is necessary. Our experts are extraordinary!
— Donald J. Trump (@realDonaldTrump) January 27, 2020
یاد رہے کہ اس سے قبل چینی صوبے ووہان میں کورونا وائرس کے پیش نظر انجینئرنگ اینڈ سائنس یونیورسٹی میں محصور پاکستانی طلبہ نے چینی اور پاکستانی حکام سے مدد کی اپیل کی۔
طلبہ کا گزشتہ روز اپنے ویڈیو بیان میں کہنا تھا کہ کورونا وائرس کے باعث ووہان کا پورے چین سے رابطہ منقطع ہوچکا ہے، ووہان میں 2 ہزار سے زائد پاکستانی طلبہ خوراک کی قلت کا شکار ہیں۔
مزید پڑھیں: چین میں محصور پاکستانی طلبہ کو خوراک کی قلت کا سامنا
