گوگل نیوز پر ہمیں فالو کریںطبی تحقیق سے پتہ چلا ہے کہ قبض سے نجات کے لیے پھل اور جوس استعمال کرنے چاہئیں جبکہ عام طور پر لوگ ام الامراض کہلانے والی اس بیماری سے بچنے کے لیے دواؤں کا استعمال کرتے ہیں۔
ترقی یافتہ ممالک میں قبض کے علاج کے لیے لوگ ہزاروں لاکھوں کی رقم بڑی آسانی سے خرچ کردیتے ہیں۔ صرف امریکا میں ہر سال قبض سے نجات کے لیے خرچ کی جانے والی رقم 25 کروڑ ڈالر ہے۔
یہ بھی پڑھیں: وزن کم کرنے سے ذیابیطس کے مرض پر خاطر خواہ قابو پایا جاسکتا ہے۔طبی تحقیق
قبض کی اہم وجوہات میں سے ایک پانی کا کم مقدار میں استعمال ہے، جبکہ فائبر والی غذائیں کم کھانا یا بالکل نہ کھانا بھی قبض کی وجہ سمجھی جاتی ہے، تاہم پھلوں کی مدد سے ہم قبض جیسے موذی مرض کو خود سے دور رکھ سکتے ہیں۔
روزانہ 100 گرام خشک آلو بخارے کھانے سے قبض سے نجات حاصل ہوسکتی ہے جبکہ کافی مقدار میں غذائی فائبر رکھنے والا یہ پھل جلاب کی طرح انسانی جسم پر اثر انداز ہو کر آنتوں کے فعل کو بہتر بناتا ہے۔
سیب میں آئرن کے ساتھ ساتھ فائبر کی مناسب مقدار موجود ہوتی ہے جس کے باعث قبض سے نجات مل سکتی ہے۔ سیب آنتوں کے افعال درست کرتا ہے تاہم شوگر کے مریضوں کو زیادہ میٹھے سیب سے گریز کرنا چاہئے۔
وٹامن سی سے بھرپور لیموں اینٹی آکسیڈنٹ کے طور پر معدے میں پانی کی مقدار کو بڑھا دیتا ہے جس سے قبض پر قابو پانے میں خاطر خواہ مدد ملتی ہے۔ زیادہ لیموں کھانا صحت کے لیے درست نہیں، تاہم اس کا رس استعمال کیا جاسکتا ہے۔
لیموں کے رس کو دال، سبزی اور گوشت کے سالن پر چھڑک کر نہ صرف قبض کے مرض پر قابو پانے میں مدد مل سکتی ہے بلکہ بعض اوقات بد مزہ کھانے کو بھی لیموں کے استعمال سے مزیدار بنایا جاسکتا ہے۔
یاد رہے کہ کچھ لوگ سب پھلوں کو دھو کر کھاتے ہیں جبکہ ایک طبقہ اس کام سے قبل اپنی ذاتی رائے اس سادہ سے کام سے جان چھڑانے کے لیے مسلط کرنا ضروری سمجھتا ہے۔
ایسے لوگوں کے مطابق کیلا، تربوز اور کینو سمیت ایسے تمام پھل جن کے چھلکے کھائے نہیں جاتے، انہیں کھانے سے قبل دھونے کی کوئی ضرورت نہیں کیونکہ جو چیز آپ بالآخر پھینک دیتے ہیں، اسے دھونا ایک فضول کام ہے، تاہم ماہرین اس سے اتفاق نہیں کرتے۔
مزید پڑھیں: کھانے سے قبل ہر پھل کو دھو لینا بہت سے خطرات سے محفوظ رکھتا ہے۔ماہرین
