گوگل نیوز پر ہمیں فالو کریںواشنگٹن: امریکا کی جوبائیڈن حکومت نے اپنے شہریوں کو بلوچستان اور خیبر پختونخوا سمیت پاکستان کے دیگر علاقوں کا سفر نہ کرنے کی ہدایت کی ہے۔
تفصیلات کے مطابق امریکی محکمۂ خارجہ نے پاکستان کا سفر کرنے کے متعلق ایڈوائزری جاری کرتے ہوئے کہا ہے کہ امریکی شہریوں کو بلوچستان، خیبر پختونخوا اور سابقہ فاٹا کا سفر نہیں کرنا چاہئے۔ اغوا اور دہشت گردی کا خدشہ ہے۔
تیل کوئی جنگی طیارہ نہیں، جو امریکا کیخلاف استعمال کریں، سعودی عرب
امریکی ٹریول ایڈوائزری میں شہریوں کو پاکستان اور بھارت کے مابین ایل او سی (لائن آف کنٹرول) کے اردگرد کا سفر نہ کرنے کی بھی ہدایت کی ہے۔ امریکی حکام کا کہنا ہے کہ پاک بھارت سرحد پر فوجی دستے گولہ باری کا تبادلہ کرتے رہتے ہیں۔
قبل ازیں امریکا نے شہریوں کو بھارت کا سفر بھی نہ کرنے کی ہدایت جاری کرتے ہوئے ٹریول ایڈوائزری جاری کی تھی۔ امریکی شہریوں کو جرائم اور دہشت گردی کے باعث سفر میں نہایت محتاط رہنے کا مشورہ دیا گیا تھا۔
خیال رہے کہ اس سے قبل امریکا میں سمندری طوفان ای این نے تباہی مچا دی، مختلف حادثات کے دوران ہلاک ہونے والے افراد کی تعداد 109 تک جا پہنچی۔
سمندری طوفان ای این سے سب سے زیادہ امریکی ریاست فلوریڈا متاثر ہوئی جہاں 3 روز قبل تک مختلف مقامات سے 55 لاشیں برآمد ہوئیں۔ طوفان کے باعث بجلی اور مواصلات کا نظام تباہ حالی کا شکار ہوگیا۔
