گوگل نیوز پر ہمیں فالو کریںلندن: امریکی صدر جو بائیڈن نے کہا ہے کہ برطانیہ کی آنجہانی ملکہ الزبتھ دوم کی میراث دنیا کی تاریخ میں زندہ رہے گی جبکہ ہم نے پہلی بار ملکہ سے ملاقات 80 کی دہائی میں کی تھی۔
سماجی رابطے کی ویب سائٹ ٹوئٹر پر اپنے پیغام میں امریکی صدر جو بائیڈن نے کہا کہ آج میں اور خاتونِ اوّل جل بائیڈن نے آنجہانی برطانوی ملکہ البزتھ دوم کیلئے آفیشل تعزیتی کتاب پر دستخط کیے۔
وزیر اعظم کی برطانوی بادشاہ چارلس سوم سے ملاقات، ملکہ کے انتقال پر تعزیت
ٹوئٹر پیغام میں امریکی صدر جو بائیڈن نے کہا کہ ہم نے پہلی بار 1982 میں ملکہ الزبتھ دوم سے ملاقات کی اور ہمیشہ ان کی مہربان شخصیت اور مہمان نوازی کو یاد رکھیں گے۔ برطانوی تاریخ میں ملکہ ہمیشہ زندہ رہیں گی۔
خیال رہے کہ برطانیہ کی ملکہ الزبتھ دوم کا انتقال 8 ستمبر کے روز ہوا جن کی آخری رسوم آج ادا کی جارہی ہیں۔ امریکی صدر اور پاکستانی وزیر اعظم سمیت دنیا بھر کے سربراہانِ مملکت آخری رسوم میں شریک ہیں۔
Today Jill and I signed the Official Condolence Book for Her Majesty Queen Elizabeth II.
We first met the Queen in 1982, and will always remember her kindness and hospitality. Her legacy will loom large in the pages of British history, and in the story of our world. pic.twitter.com/6aZzUAMDAU
— President Biden (@POTUS) September 18, 2022
ملکہ کی وفات کے متعلق اپنے ٹوئٹر پیغام میں امریکی صدر جو بائیڈن کا کہنا ہے کہ آنجہانی ملکہ الزبتھ دوم کی وراثت برطانوی تاریخ اور ہماری دنیا کی کہانی میں بڑے پیمانے پر نظر آئے گی۔
خیال رہے کہ پاکستانی وزیر اعظم شہباز شریف بھی برطانوی ملکہ کی آخری رسوم میں شرکت کر رہے ہیں۔ انہوں نے برطانوی کنگ چارلس سوم سے ملاقات کے دوران آنجہانی ملکہ کے انتقال پر تعزیت بھی کی۔
