گوگل نیوز پر ہمیں فالو کریںواشنگٹن: چین سے نکل کر دنیا کے 84 ممالک میں پھیلنے والا کورونا وائرس امریکا میں بھی پھیل رہا ہے جبکہ امریکی حکومت پر صحافی برادری نے الزام عائد کیا ہے کہ حکومت کورونا وائرس کا معاملہ دبانا چاہتی ہے۔
سماجی رابطے کی ویب سائٹ ٹوئٹر پرگزشتہ روز مشہورومعروف صحافی جڈ لیگم نے اپنے پیغام میں سوال کیا کہ امریکا میں کورونا وائرس کے لیے کتنے لوگوں کو ٹیسٹ کیا گیا ہے؟ کیا یہ کوئی نہیں جانتا؟
امریکا میں کورونا وائرس کی صورتحال پر روشنی ڈالتے ہوئے معروف صحافی نے کہا کہ اب تک امریکا میں کورونا وائرس کے باعث 9 افراد ہلاک ہو چکے ہیں جبکہ 128 افراد وائرس سے متاثر ہوئے ہیں۔
امریکی حکومت کی دیانتداری پر سوالات اٹھاتے ہوئے جڈ لیگم نے کہا کہ جب تک ٹیسٹوں کی تعداد نہیں بتائی جاتی، یہ معلومات ہمارے لیے ناکافی رہے گی۔
صحافی کے مطابق سی ڈی سی (سینٹر فار ڈیزیز کنٹرول) نے گزشتہ روز تصدیق کی کہ وہ کورونا وائرس کیسز کا ریکارڈ رکھ رہے ہیں، تاہم تعداد نہیں بتائی جارہی۔ انہوں نے سوال کیا کہ ایسا کیوں نہیں کیا جارہا؟
How many people have been tested in the US for coronavirus?
There are now 128 confirmed cases in the US and 9 deaths.
But that tells us little if the number of tests isn't disclosed
The CDC confirmed yesterday they are keeping track, but not releasing the numbers.
Why not?
— Judd Legum (@JuddLegum) March 4, 2020
