امریکا نے بھی پاکستان کیلئے ٹریول ایڈوائزری بہتر کر دی، پاکستا ن کا خیرمقدم

اسلام آباد: پاکستان دفتر خارجہ کی جانب سے امریکی ٹریول ایڈوائزی میں تبدیلی کا خیر مقدم کرتے ہوئے درست سمت میں قدم قرار دیا ہے۔

ترجمان دفتر خارجہ عائشہ فاروقی کی جانب سے کہا گیا ہے کہ امریکا کی پاکستان کے حوالے سے نئی ٹریول ایڈوائزری اس بات کا ثبوت ہے کہ پاکستان کی سیکورٹی صورتحال بہتر ہوئی ہے۔ ان کا کہنا ہے کہ امریکا کا یہ اقدام درست سمت کی جانب پیشرفت ہے۔

مزید پڑھیں:سیکیورٹی صورتحال میں بہتری کے بعد برطانیہ کی پاکستان کیلئے سفری شرائط میں نرمی

یادرہے کہ اس سے قبل اقوام متحدہ نے اسلام آباد کو دوبارہ اپنے عملے کے لئے فیملی اسٹیشن قرار دیا جبکہ یورپی ممالک کی جانب سے بھی پاکستان کو محفوظ ملک سمجھا جاتاہے۔

امریکا سے قبل برطانیہ نے بھی پاکستان کیلئے ٹریول ایڈوائزری بہتر کی تھی۔ اب امریکی ٹریول ایڈوائزری میں بھی اس کا ریفرنس دیا گیا ہے۔