پانچ منٹ میں کورونا ٹیسٹ ڈیوائس بنانے والا سائنسدان پاکستانی نکلا

نیو یارک: آج کل میڈیا پر پاکستان سمیت دنیا کے دیگر ملکوں میں پانچ منٹ میں کورونا ٹیسٹ کرنے والی امریکی ڈیوائس کا ذکر ہو رہا وہ ڈیوائس امریکا میں مقیم پاکستانی سائنسدان جمیل شیخ نے بنائی ہے۔

صدر ڈونلڈ ٹرمپ آج اس کا افتتاح کریں گے۔ اس کورونا لیب ٹیسٹ ڈیوائس کو امریکی سرکاری ادارے فوڈ اینڈ ڈرگ ایڈمنسٹریشن نے منظور کر لیا ہے۔

جمیل شیخ کا تعلق سندھ کے ضلع لاڑکانہ کے شہر باڈھ سے ہے اور وہ اس وقت امریکا کے شہر سان ڈیاگو میں مقیم ہیں۔ انہوں نے کراچی کے این جے وی اسکول سے میٹرک، دہلی کالج سے انٹر اور این ای ڈی یونیورسٹی سے ان کی گریجویشن ہے۔

ڈاکٹر جمیل شیخ کی ایجاد کردہ یہ ٹیسٹنگ ڈیوائس کوایبٹ کمپنی لیبارٹریزنے متعارف کرایا ہے جس سے وائرس کی تشخیص صرف پانچ منٹ میں ہوسکتی ہے۔ کمپنی یکم اپریل سے روزانہ پچاس ہزار ٹیسٹ کٹس مہیا کرے گی۔ یہ ٹیسٹنگ کٹ آئندہ چند ہفتوں میں دنیا بھر میں فروخت کے لیے پیش کی جائے گی۔

نئی ٹیسٹ کٹ کا سائز چھوٹا رکھا گیاہے اور کٹ پورٹیبل بھی ہے جسے کسی بھی جگہ استعمال کیا جاسکتا ہے یہ کورونا لیب ٹیسٹ ڈیوائس شگر کے ٹیسٹ کرنے کے طرز پر صرف پانچ منٹ میں بتا دے گی کہ مریض کورونا پازیٹو ہے کہ نیگیٹو۔مشین جلد مارکیٹ میں دستیاب ہوگی۔