گوگل نیوز پر ہمیں فالو کریںواشنگٹن: امریکہ نے سیلاب اور دیگر قدرتی آفات سے نمٹنے کے لیے پاکستان کی کوششوں کے لیے 10 لاکھ ڈالر کی نئی گرانٹ کا اعلان کردیا ہے۔
ایک ٹویٹ میں امریکی وزیر خارجہ انٹونی بلنکن نے کہا کہ ہم مشکل وقت میں پاکستان کے ساتھ کھڑے ہیں اور سیلاب متاثرین کے لئے مدد کررہے ہیں۔
امریکی وزیر خارجہ کا مزید کہنا تھا کہ ایک لاکھ ڈالر فوری امداد کے علاوہ امریکا نے قدرتی آفات کے لیے ایک ملین ڈالرز کا اعلان کیا ہے، ہم موسمیاتی بحران کے مستقبل کے اثرات کو کم کرنے کے لیے مل کر کام جاری رکھے ہوئے ہیں۔
واضح رہے کہ ملک بھر میں موسلا دھار بارشوں کے باعث 580 سے زائد افراد ہلاک اور ہزاروں بے گھر ہو چکے ہیں۔
جولائی کے بعد سے ایک اندازے کے مطابق 10 لاکھ لوگ شدید بارشوں، سیلابی ریلوں اور لینڈ سلائیڈنگ سے متاثر ہوئے ہیں کیونکہ پاکستان نے تین ہفتوں میں مون سون کی عام بارشوں کا 60 فیصد سے زیادہ برداشت کیا۔
مزید پڑھیں:سیلاب سے متاثرہ علاقوں میں پاک فضائیہ کی امدادی کارروائیاں جاری
