گوگل نیوز پر ہمیں فالو کریںاداکارہ عروہ حسین نے اپنے شوہر فرحان سعید سے طلاق کے معاملے پر وضاحت دینے سے گریز کرتے ہوئے مبہم سا جواب دیا ہے۔
فرحان سعید اور عروہ حسین کے درمیان نومبر 2020 میں اختلافات، علیحدگی اور پھر طلاق کی خبریں سامنے آئی تھیں اور تب سے لے کر اب تک جوڑے کو ایک ساتھ نہیں دیکھا گیا تھا لیکن گزشتہ ماہ’ٹچ بٹن‘ فلم کی پروموشن کے دوران دونوں کو اکٹھے دیکھا گیا ہے۔
یہ بھی پڑھیں:
جوانسال امریکی ریپر کو گولی مار کر قتل کردیا گیا
فلم کی پروموشن میں دونوں موجود تھے لیکن انہیں ایک دوسرے سے محتاط رویہ اختیار کرتے دیکھا گیا۔
دو برس سے اختلافات اور علیحدگی کی خبریں آنے کے باوجود جوڑے نے واضح طور پر کبھی ان خبروں کو مسترد نہیں کیا اور نہ ہی ان کی تصدیق کی ہے۔
View this post on Instagram
ایک تازہ انٹرویو میں عروہ حسین سے رشتے کے متعلق پوچھا گیا تو انہوں نے کہا کہ لوگوں کو ان کے تعلقات سے متعلق قیاس آرائیاں نہیں کرنی چاہیے، کیا لوگ اس بات پر خوش نہیں کہ ہم دونوں ایک دوسرے کی عزت کرتے ہیں اور ابھی تک ایک دوسرے سے عزت کے ساتھ ملتے ہیں۔
عروہ حسین نے اس حوالے سے مزید کہا کہ وہ مانتی ہیں کہ بطور اداکار لوگ ان سے متعلق جاننا چاہتے ہیں اور ان کی نجی زندگی میں بھی دلچسپی رکھتے ہیں لیکن وہ یہ سمجھتی ہیں کہ لوگوں کو اداکاروں کو بھی کچھ معاملات میں بخش دینا چاہیے۔
