گوگل نیوز پر ہمیں فالو کریںپاکستان کے معروف اداکار فرحان سعید کی فلم ٹِچ بٹن کا نیا گانا احسان ہے تمہارا ریلیز کردیا گیا ہے۔
گانے کو معروف گلوکار فرحان سعید نے گنگنایا ہے جبکہ اُن کا ساتھ بھارتی نژاد کینیڈین گلوکار جونیتا گاندھی نے دیا ہے۔
فلم ٹِچ بٹن اے آروائی کے بینر کے نیچے بننے والی فلم ہے جو کہ 11 نومبر کو ریلیز ہونے والی ہے۔
دوسری جانب فلم کی ہیروئن اداکارہ سونیا حسین نے معاوضے کی عدم ادائیگی کا الزام عائد کرتے ہوئے فلم ”ٹچ بٹن“ کی پروڈیوسر عروہ حسین کو 50 لاکھ روپے ہرجانے کا نوٹس بھجوادیا۔
سوشل میڈیا پر فیروز خان کے سابقہ اہلیہ پر کیے گئے تشدد کے ثبوت وائرل
ہرجانے کے نوٹس کے مطابق اداکارہ کا موقف ہے کہ عروہ نے انہیں فلم کی شوٹنگ ختم ہوتے ہی معاوضے کی ادائیگی کی یقین دہانی کروائی تھی لیکن ایسا نہیں کیا گیا۔
اداکارہ سونیا حسین کا کہنا ہے فلم کی شوٹنگ 2 فروری 2020 کو شروع ہوئی تھی، اور انہوں نے 5 جون 2020 تک اپنا کام مکمل کروالیاتھا لیکن معاہدے کے باجود انہیں تاحال ادائیگی نہیں کی گئی۔
نوٹس میں اداکارہ کا کہنا ہے کہ عروہ حسین کو باربار یقین دہانی کرائی لیکن انہوں نے کوئی مناسب جواب نہیں دیا۔ رواں برس کے وسط میں عروہ کی جانب سے 5 لاکھ روپے کا چیک بھجوایا گیا جو کہ طے شدہ معاوضے کا کچھ حصہ تھا اس لیے وہ چیک پروڈیوسر کو واپس بھجوا دیا تھا۔
