کورونا ویکسین ذخیرہ کرنے والے امیر ممالک پر اقوام متحدہ کی سخت تنقید

نیویارک:کورونا ویکسین ذخیرہ کرنے والے امیر ممالک پر اقوام متحدہ نے سخت تنقید کرتے ہوئے کہا ہے کہ مجھے ویکسین کی غیرمنصفانہ تقسیم پر شدید تحفظات ہیں اور اگر یہ ویکسین ہر جگہ ہر کسی کو لگے تو اس میں سب کا فائدہ ہے۔

بین الاقوامی میڈیا کا اس حوالے سے کہنا ہے کہ اقوام متحدہ کے سیکرٹری جنرل انتونیو گتریس نے امیر ممالک کو کورونا ویکسین دیگر ممالک میں تقسیم کرنے کی ترغیب دی تاکہ وبا کا خاتمہ ہو سکے۔

اُن کا کہنا تھا کہ مجھے ویکسین کی غیرمنصفانہ تقسیم پر شدید تحفظات ہیں اور اگر یہ ویکسین ہر جگہ ہر کسی کو لگے تو اس میں سب کا فائدہ ہے۔امیر لگے اور غریب کو نہیں یہ مناسب نہیں ہوگا۔

اقوام متحدہ کے سیکرٹری جنرل نے امیر ممالک کی اپنے فائدے کیلئے ویکسین کی ذخیرہ اندوزی کو کڑی تنقید کا نشانہ بناتے ہوئے کہا کہ امیر ممالک ویکسین کو ذخیرہ مت کریں اس کی کوئی منطق نہیں۔

انہوں نے کہا کہ ہم ترقی یافتہ ممالک سے اپیل کرتے رہے ہیں کہ وہ خریدی گئی کچھ ویکسینز کو دیگر ملکوں کے ساتھ شیئر کریں جبکہ انہوں نے اپنی ضرورت سے زیادہ خریداری کی ہے۔

سیکرٹری جنرل نے افسوس کا اظہار کیا کہ ویکسین کی خوراکوں کی غریب ممالک تک فراہمی کے کوویکس پروگرام کو مشکلات کا سامنا ہے کیونکہ بہت زیادہ ذخیرہ اندوزی کی جا رہی ہے۔

اقوام متحدہ کے سیکریٹری جنرل نے کہا کہ وبا کے خاتمے کا انحصار سب سے زیادہ اس بات پر ہے کہ ویکسین کو جتنا جلد ممکن ہو سکے پوری دنیا کی آبادی تک پہنچایا جا سکے۔