گوگل نیوز پر ہمیں فالو کریںبرسٹل: برطانیہ میں پولیس کے نئے قوانین کے خلاف احتجاج کرنے والے شہریوں اور پولیس کے درمیان جھڑپوں کے نتیجے میں 20 سے زیادہ اہلکار زخمی ہو گئے, 2 کی حالت تشویشناک ہے۔
عالمی خبررساں ادارے کی رپورٹ کے مطابق برطانیہ میں پولیس کے نئے نظام کے خلاف برسٹل شہر کے حصوں میں پولیس کے خلاف پرتشدد احتجاج کا سلسلہ جاری ہے۔ مظاہرین کی جانب سے جگہ جگہ مظاہرے کیے جارہے ہیں۔
میڈیا رپورٹس کے مطابق مظاہرین بینرز اور پلے کارڈز اٹھا کر پولیس کے خلاف مظاہرے کررہے ہیں ، بینئرز اور پلے کارڈز پر’’ برطانیہ کو پولیس اسٹیٹ نہ بناؤ‘‘ اور ’’ احتجاج بنیادی انسانی حقوق ہے‘‘ کے الفاظ درج ہیں۔
برطانوی میڈیا کے مطابق مظاہرے اس وقت شروع جب پولیس نے مظاہرین کو منتشر کرنے کی کوشش کی اور لاٹھی چارج کیا تاہم مشتعل مظاہرین نے تھانے پر حملہ کرکے 12 گاڑیوں کے شیشیے توڑ دیئے اور 2 کو آگ لگادی گئی۔ پولیس اور مظاہرین میں ہونے والی لڑائی میں 20 سے زائد اہلکار زخمی ہو گئے جن میں سے دو کی حالت تشویشناک بتائی جاتی ہے۔
پولیس نے توڑ پھوڑ اور پولیس پر حملوں کے الزام میں 7 افراد کو گرفتار کرلیا ہے ، جبکہ مظاہرین کا کہنا ہے کہ پولیس نے پہل کرتے ہوئے پیلٹ گن، اسٹون گن اور آنسو گیس کا بے دریغ استعمال کیا تھا۔ برطانیہ میں پولیس کے نظائے کے خلاف ملک کے مختلف شہروں میں احتجاجی مظاہروں کا سلسلہ جاری ہے۔
یہ بھی پڑھیں : افغان صوبے ننگرہار میں سڑک کنارے 2 دھماکے، 1 شخص ہلاک،1زخمی
