گوگل نیوز پر ہمیں فالو کریںبھارتی مینز ہاکی اولمپئین اسٹار خواتین ہاکی ٹیم کی اولمپئین اسٹار کے ساتھ رشتہ ازدواج میں منسلک ہو گئے۔
بھارتی ذرائع ابلاغ کے مطابق انڈیا ہاکی ٹیم کے اولمپئین مندیپ سنگھ اور ویمنز ٹیم کی اولمپئین اودیتا دوہن کی شادی ہو گئی۔
سامنے آنے والی اطلاعات کے مطابق 30 سالہ مندیپ اور 27 سالہ اودیتا دوہن کی شادی جالندھر میں انجام پائی، مندیپ اور اودیتا کا ہاکی کا جنون کی حد تک شوق ایک دوسرے کے قریب لایا۔
مندیپ سنگھ اولمپک گیمز میں بیک ٹو بیک برانز میڈل جیتنے والی بھارتی ہاکی ٹیم کا حصہ ہیں جبکہ اودیتا دوہن ٹوکیو اولمپکس میں چوتھی پوزیشن حاصل کرنے والی بھارتی ویمن ہاکی ٹیم کا حصہ تھیں۔
مندیپ سنگھ 260 اور اودیتا دوہن 120 میچز میں انڈیا کی نمائندگی کر چکی ہیں۔ مندیپ اور اودیتا کی دوستی کے چرچے 5 برس سے تھے اور کووڈ کے دنوں میں لگنے والے کیمپس کے دوران ان کی دوستی بڑھی تھی۔
