گوگل نیوز پر ہمیں فالو کریںڈی جی آئی ایس پی آر میجر جنرل آصف غفور نے کہا ہے کہ لائن آف کنٹرول پر بھارت کی طرف سے سیز فائر معاہدے کی خلاف ورزیاں جاری ہیں، بھارتی فائرنگ کے نتیجے میں پاک فوج کے 2 جوان شہید ہوئے۔
سماجی رابطے کی ویب سائٹ ٹوئٹر پر اپنے پیغام میں ترجمان پاک فوج میجر جنرل آصف غفور نے کہا کہ گزشتہ 36 گھنٹوں سے بھارت سیز فائر معاہدے کی خلاف ورزیاں کیں جس کا پاک فوج نے بھرپور جواب دیا۔
ترجمان پاک فوج میجر جنرل آصف غفور نے کہا کہ پاک آرمی کے جوانوں نے مؤثر کارروائی کرتے ہوئے بھارتی پوسٹ کو قصان پہنچایا جس کے دوران 3 بھارتی فوجی ہلاک ہو گئے ۔
ڈائریکٹر جنرل آئی ایس پی آر کے مطابق ہلاک ہونے والے بھارتی فوجیوں میں ایک صوبے دار بھی شامل تھا جبکہ چند بھارتی فوجی پاک فوج کارروائی کے دوران زخمی بھی ہوئے۔
میجر جنرل آصف غفور نے کہا کہ لائن آف کنٹرول کے دیوا سیکٹر میں پاک فوج کے دو جوانوں نے جامِ شہادت نوش کیا جن میں نائب صوبیدار کندیرو اور سپاہی احسان شامل ہیں۔
Indian CFVs along LOC during the last 36 hours. Responding to CFVs, in Haji Pir Sector Pakistan Army troops damaged Indian post killing 3 Indian soldiers including a Subedar, few injured too. In Dewa Sector Naib Subedar Kandero and Sepoy Ehsan of Pak Army embraced Shahadat. pic.twitter.com/yFuBqPgFVv
— DG ISPR (@OfficialDGISPR) December 26, 2019
یاد رہے کہ اس سے قبل بھارت نے روایتی اشتعال انگیزی کا مظاہرہ کرتے ہوئے پاکستان کے خلاف جارحیت کے لیے لائن آف کنٹرول پر میزائل نصب کردئیے جبکہ سرحدوں پر محاذ آرائی کے لیے تیاریاں دیکھنے میں آئیں۔
پاک بھارت سرحد (ایل او سی) پر بھارتی فوج کی طرف سے غیر معمولی نقل و حرکت دیکھنے میں آئی جبکہ بھارتی فوج نے لائن آف کنٹرول پر براہموس اور اسپائیک نامی میزائل بھی نصب کیے۔
مزید پڑھیں: پاکستان کے خلاف لائن آف کنٹرول پر بھارتی میزائل نصب
