شمالی وزیرستان میں خودکش حملے میں دو افراد جاں بحق، چار زخمی

پشاور: شمالی وزیرستان کے علاقے میران شاہ میں پیر کو سیکیورٹی فورسز کی گاڑی کو نشانہ بنانے کی غرض سے خودکش حملہ کیا گیا، حملے میں 2افراد جاں بحق اور چار زخمی ہوگئے۔

پولیس ذرائع کے مطابق خودکش حملہ آور رکشے پر سوار تھا، جسے اس نے سرکاری گاڑی سے ٹکرا کر خود کو دھماکے سے اڑا لیا۔

حملے میں جاں بحق ہونے والے دو افراد کی شناخت سعید اللہ اور غنی کے نام سے ہوئی ہے۔ دونوں کا تعلق ضلع کے علاقے نورک مرسی خیل سے تھا۔

مزید پڑھیں:بنوں کا مسئلہ حل کرنے کیلئے ٹی ٹی پی سے افغانستان میں بات چیت ہورہی ہے، کے پی حکومت

ریسکیو اہلکاروں نے زخمیوں کو علاج کے لیے ڈی ایچ کیو منتقل کر دیا ہے جبکہ علاقے میں سرچ آپریشن شروع کر دیا گیا ہے۔