گوگل نیوز پر ہمیں فالو کریںنیویارک: مائیکروبلاگنگ ویب سائٹ ٹوئٹر نے بڑی تعداد میں معروف صحافیوں کے اکاؤنٹس معطل کردئیے۔
نیویارک ٹائمز کی رپورٹ کے مطابق ٹوئٹر نے سی این این اور نیویارک ٹائمز کے صحافیوں کے اکاونٹس معطل کردئیے ہیں۔
رپورٹ کے مطابق جن صحافیوں کے اکاؤنٹس معطل کیے گئے ہیں انہوں نے ٹوئٹر کے نئے مالک ایلون مسک کے بارے میں لکھا تھا کہ ذاتی معلومات کی اشاعت پر پابندی کے قوانین کا اطلاق صحافیوں سمیت سبھی پر ہوتا ہے۔
The suspensions of more than half a dozen journalists Thursday evening came without warning or explanation from Twitter. Many of the journalists, including from The Washington Post, CNN, and New York Times, had written about a dispute involving Elon Musk. https://t.co/wBKuhTzgjP
— The Washington Post (@washingtonpost) December 16, 2022
سی این این نے ٹوئٹر سے صحافیوں کی معطلی پر وضاحت طلب کرلی ہے، ان کا موقف ہے کہ ٹوئٹر کے جواب کی بنیاد پر تعلقات کا از سر نو جائزہ لیا جائے گا۔
دوسری جانب ایلون مسک نے اپنی جدید ترین گاڑیاں بنانے والی کمپنی ٹیسلا کے مزید 3.6 ارب ڈالرکے حصص فروخت کر دیے۔
غیر ملکی خبر ایجنسی کے مطابق رواں سال اب تک ایلون مسک ٹیسلا کے 23 ارب ڈالرکے شیئرز فروخت کر چکے ہیں۔خبر ایجنسی کا کہنا ہے کہ ایلون مسک نے زیادہ تر شیئر ٹوئٹر خریدنے کے معاہدے کی مالی اعانت کے لیے فروخت کیے۔
