دہشت گردی کے خلاف جنگ، ترک فوج کی برفانی علاقے میں سخت ٹریننگ

انقرہ: ترکی دہشت گردی کے خلاف جنگ میں متحرک ہے، ترک فوج نے برفانی علاقے میں سخت تریننگ کی جس کا مقصد دہشت گردوں کا قلع قمع کرنا ہے۔

ترک میڈیا (ترکی اردو) کے مطابق دہشت گردوں کی پناہ گاہوں کو تباہ کرنے کی تربیت دی جارہی ہے۔ ترک فوج کے کمانڈوز کو انسدادِ دہشت گردی کی تربیت اور مشق کروائی جارہی ہے۔

یہ بھی پڑھیں:

امریکا کی طالبان حکومت کو داعش خراسان کے امیر کو پکڑنے پر انعام کی پیشکش

تربیتی مشق میں دہشت گردوں کے زیر استعمال سرنگوں اور پناہ گاہوں کو تباہ کرنے کی تربیت دی گئی۔ ترکی کی بٹالین کمانڈوز کی یہ تربیت ترکی کے علاقے اسپارتا میں کی جارہی ہے۔ 

ترکی: دہشت گردوں کی پناہ گاہوں کو تباہ کرنے کی تربیت
ترک فوج کے کمانڈوز کو انسداد دہشت گردی کی تربیت اور مشق کروائی جا رہی ہے، مشق میں دہشت گردوں کے زیر استعمال سرنگوں اور شیلٹر کو تباہ کرنے کی تربیت فراہم کی جا رہی ہے، ترکی کی بٹالین کمانڈوز کی یہ تربیت اسپارتا میں کی جا ہی ہے pic.twitter.com/j4ltWAmWQ3

— ترکیہ اردو (@TurkiyeUrdu_) February 11, 2022

ترک فوج کی تربیت کیلئے چنا گیا علاقہ

مغربی ترکی میں واقع صوبہ اسپارتا کا دارالحکومت اسپارتا ایک سخت سرد مقام سمجھا جاتا ہے جہاں برفباری عام بات ہے۔ اسے گلابوں کا شہر (سٹی آف روزز) بھی کہتے ہیں۔

اسپارتا میں معاشی سرگرمیوں میں عرقِ گلاب اور ہاتھوں سے  بنائے گئے قالینوں کی تجارت اہم ہے۔ اس کے علاوہ مقامی و بین الاقوامی سیاحت بھی اسپارتا کی معیشت کا اہم جزو ہے۔